Zelanda e Re do të dërgojë 120 ushtarë në Mbretërinë e Bashkuar për të ndihmuar në trajnimin e ukrainasve në luftimet e vijës së parë.
Dislokimi do të mundësojë dy ekipe trajnimi të këmbësorisë që të pajisin rreth 800 personel ukrainas me aftësitë thelbësore për të qenë efektiv në luftim, duke përfshirë trajtimin e armëve, ndihmën e parë luftarake, ligjin operacional dhe aftësi të tjera, tha qeveria, shkruan Aljazeera, transmeton Klankosova.tv.
Kryeministrja Jacinda Ardern, gjatë një konference për shtyp theksoi se trupat e Zelandës së Re nuk janë përfshirë dhe nuk do të angazhohen në luftime në Ukrainë.
