“Kemi bërë ndarje të fuqishme politike mes nesh, saqë filluam të urrejmë njëri-tjetrin. Para të gjithëve pothuajse u vramë me njëri-tjetrin më 27 prill, dhe tani këtu është një shans për tu pajtuar dhe falur me njëri-tjetrin. Le t’i zgjasim duart njëri-tjetrit prandaj unë po dërgoj një apel për pajtim”, tha kryeministri Zoran Zaev në Parlament, duke debatuar propozimin e qeverisë për ndryshimet kushtetuese.
Në lidhje me këtë deklaratë, në opinionin publik qarkullojnë hipoteza të ndryshme për të gjetur arsyen kryesore të një prononcimi të tillë. Në vijim do paraqesim tre prej tyre:
Hipoteza e parë: Marveshje e fshehtë me VMRO-në!
Kryeministri i vendit në pamundësi për të arritur shumicën e nevojshme për ndryshimet kushtetuese në lidhje me ndryshimin e emrit të shtetit është dakorduar fshehurazi me shefin e opozitës z. Mickovski që ky i fundit tja sigurojë deputetët nga rradhët e veta dhe Kryeministri ti falën të gjithë të përfshirët në ngjarjen e 27 prillit.
Hipoteza e dytë: Rikthimi i simpatisë së humbur për shkak të ndryshimit të emrit të shtetit!
Duke qenë se Kryeministri Zaev me politikën e deritanishme me frymë qytetare duke futur në rradhët e veta edhe shqiptarë, duke garuar bashk me BDI-në në zgjedhjet lokale dhe duke siguruar pikërisht nga shqiptarët një numër të konsiderueshëm votash për Referendum për çështjen e ndryshimit të emrit të shtetit, me këtë politikë multietnike ai fuqizoi edhe më shumë nacionalizmin te opozita dhe te një pjesë e qytetarëve maqedonas, saqë një pjesë e tyre që deri dje e kishin votuar filluan të dyshojnë te ai dhe biles edhe ta kundërshtojnë haptazi dhe të përafrohen me qëndrimet e VMRO-së, prandaj si rrjedhojë Kryeministri Zaev e ndërmori këtë hap që të rikthen simpatinë që e gëzonte te pala maqedonese që nga koha e shpalosjes të bombave e deri te ngjarja e 27 prillit që viktimizimi i tij u konsiderua akti më trimëror.
Hipoteza e tretë: Faktorizimi i dytë i Selës përmes viktimizimit të tij!
Një nga politikat paralele të Kryeministrit Zaev ka qenë dhe ngelet edhe përçarja e votës shqiptare. Në fakt, e vërteta është se Zoran Zaev nuk mund të fitonte mandatin pa votën shqiptare. Të mos harojmë faktin se si Lëvizja Besa ashtu edhe Aleanca për Shqiptarët ja dhanë votat e tyre Zaevit si mandatar pa kushte paraprake, por ishte pikërisht Zaevi ai i cili në një far mënyre në zgjedhjet lokale i trathtoi të dy palët.
Por dalja e ASH nga Qeveria duket se i ka kushtuar shumë Kryeministrit Zaev sepse tashmë nuk ka nga ajo vota të sigurtë dhe pa kushte, por nga ana tjetër kjo i ka kushtuar edhe vet Zijadin Selës sepse dalja në opozitë menjëherë pasi morën funksionet dhe nisën premtimet për punësime ishte demoralizuese për antarët dhe simpatizantët e vet. Si rrjedhojë rikthimi i ngjarjes së 27 prillit duke qenë Zijadin Sela viktima kryesore, kjo do bënte që të rikthehet rejtingu i ASH-së ashtu siç u rrit pikërisht me këtë ngjarje.
