Terroristët motivohen politikisht, “kriminelët e zakonshëm” kërkojnë vetëm para. Megjithatë të dyja grupet punojnë sëbashku, shkruajnë autorët Arthur Hartmann, Trygve Ben Holland dhe Sarah Holland në librin e tyre që flet për Larjen e Parave në Europë, informon foldrejt.com.
Në fakt, autoritetet e sigurisë perëndimore më intensivisht janë marrë me luftën kundër terrorizmit, por jo edhe me metodat sesi financohen ata. Ky libër tregon një lidhje të pazakontë mes terroristëve dhe grupeve kriminale që kanë vetëm një qëllim: paranë.
Studimi ka zanafillën te Ballkani Perëndimor, kurse më konkretisht në Shqipëri.
Disa zbulime mahnitëse që shfaq libri lidhet me organizatat terroriste të majta si Farc-u në Kolumbi gjatë viteve 70-të ku modeli i biznesit është një synergie ose bashkim forcash mes tregtive të armëve dhe frikës ndaj njerëzve.
Në libër hetohet edhe Shqipëria si një simbiozë mes krimit të organizuar dhe terrorizmit islamik nën kushte laboratorike.
“Shqipëria është një vend në zgrip të BE, me institucione të dobta, të vjetra, struktura të organizuara mafioze dhe me një ekspozitë të fuqishme drejt botës islame. Në lidhje me tolerancën religjioze Shqipëria akoma përbën një pasqyrë për botën dhe është jashtë rrezikut nga sulmet e terroristëve, megjithatë aktorë të ekstremizmit musliman ishin aktiv që në vitet 90-të në Luftërat Ballkanike dhe ata rekrutuan shumë luftëtarë në Shqipëri. Këta luftëtarë të rekrutuar më shumë sesa nga aspekti ideologjik, ju bashkangjitën këtyrë forcave për shkak të nevojave ekonomike, gjë që prej atëherë ka ndryshuar pak,” shkruan mes tjerash në libër që e disponon të plotë redaksia e FOLDREJT.com.
Ajo që në libër duket si spekulative është se rreth ekonomisë së vendit shqiptar thuhet se është në stagnim dhe në disa rajone është më keq sesa përpara 25 vitesh.
Kurse më tej, sipas librit, Al Kaida shumë “larje të parave” i ka kryer në Shqipëri – mbi të gjitha me trafikim të drogës dhe trafikimin e armëve. Në libër poashtu spekulohet, ose më mirë të themi, pretendohet, se edhe Osama Bin Laden ka pasur një dokument udhëtimi në Republikën e Shqipërisë.
“Përkundër gjithë këtij aktiviteti të gjërë, mjaft pozitive mbetet që në popullatën shqiptare kurrë nuk është zgjeruar ekstremizmi,” përcjell foldrejt.com.
Shqipëria që nga 2014 është vend kandidat për anëtarësim në BE, është akoma e lehtë larja e parave dhe kjo lidhet edhe me hapjen e lehtë të ‘lojërave të fatit’. Por libri që është botuar 2018, nuk përmend që nga 2019 në Shqipëri mungojnë të gjitha bastet sportive nëpër lagje.
Në përfundim të librit edhe vetë autorët nuk japin novitete mbi lidhjen konkrete mes mafias shqiptare dhe terrorizmin religjioz, por organizata të ndryshme terroriste vijojnë aktivitetin atje dhe mafia shqiptare është në kërkim të aleancave strategjike.
Për shkak se kjo aleancë nuk bën fjalë për ngjashmëri ideologjike, por për kontakte personale në të ardhmen autoritetet duhet të luftojnë edhe ata organizata që kanë partneritet biznesi me terroristët.
Gjtihsesi, studimi kontravers i librit, duhet të shtojë se këto organizata kriminale ndodhen edhe në Gjermani, Japoni, SHBA, Rusi dhe jo vetëm në Shqipëri./Foldrejt.com
