Në 1794 gjuha gjermane për pak dështoi të kthehej në gjuhë zyrtare në SHBA dhe kjo falë një ‘tradhtari’ me rrënjë gjermane.
Bëhet fjalë për 9 janarin 1794, ku një grup emigrantësh nga Virginia erdhën në Dhomën e Përfaqësuesve me lutjen që të votohet një ligj për gjuhën e tyre. Ata e shihnin këtë si ndihmë që të përshtateshin më lehtë në atdheun e tyre të ri. Por rreth një e dhjeta e banorëve e flisnin gjuhën gjermane, kurse në Pennsylvani kjo gjuhë flitej nga 30 përqind e banorëve.
Ky ligj përpak nuk u ratifikua dhe thuajse do ndryshonte tërësisht rrjedhën e politikës së shekullit të ardhshëm – ku në vend të raporteve shembullore mes Britanisë dhe SHBA-së, do kishim raporte më të ngushta mes SHBA-së dhe Gjermanisë.
Gjatë votimit në Dhomën e Përfaqësuesve gjuha gjermane nuk arriti të zyrtarizohet vetëm për një votë: 42 kundër dhe 41 pro. Si sebep për këtë humbje ishte gjermano-amerikani Frederick Muhlenberg, i cili kishte idenë se “sa më shpejt (ne) gjermanët të integrohemi në shoqërinë amerikane, aq më mirë do jetë.” Muhlenberg mbante poste ministrore në SHBA, megjithatë paraardhësit e tij kishin emigruar nga Gjermania dhe njihen si themeluesit e kishës luterane në Pensilvani.
Edhe pse nuk dihet me saktësi nëse Muhlenberg ka votuar kundër ose jo, shprehja e tij shihet si arsyeja kryesore që dështoi zyrtarizimi i gjuhës gjermane.
Si kundërshtar i gjuhës gjermane në SHBA shihet edhe eruditi Benjamin Franklin, i cili akuzonte emigrantët gjermanë se nuk ua mësojnë gjuhën angleze fëmijëve të tyre dhe se “së shpejti ata mund të na tejkalojnë neve (anglishtfolësve)”.
Çfarë ndodhi më pas?
Gjuha gjermane dështoi të zyrtarizohet në SHBA, ashtu si të gjithë gjuhët tjera. Por emigrantët gjermanë vijuan të ruajnë traditat e tyre dhe gjuha gjermane ishte e kudondodhur në Pensylvani, Ohajo dhe Virginia deri në Luftën e Dytë Botërore. Më pas, gjermanët filluan të asimilohen më lehtë në shoqërinë amerikane, të ndihmuar edhe nga imazhi i keq i Gjermanisë Nazifashiste.
Për të mos mbaruar këtu, sot shumica e banorëve të SHBA kanë origjinë gjermane – plot 49.2 milion banorë, kundrejt 26,9 milionëve që kanë rrënjë angleze./Foldrejt.com
