56 përqind e të anketuarve kërkojnë që Merkel të përmbyllë udhëheqjen e qeverisë gjermane deri në fund të mandatit, shkruan “Die Welt”.
Anketa është kryer gjatë muajit 12 deri 14 nëntor dhe tregon se mbështetja ndaj Angela Merkelit për të qenë kancelare është rritur për shtatë përqind nga janari 2018. Menjëherë pas uljes së ndjeshme të votave të partisë së Merkel CDU në landin Hessen, ajo dha dorëheqje nga rikandidimi për postin e shefes së CDU dhe tha se ky mandat është i fundit si kancelare, përcjell foldrejt.com. Megjithatë shumë zëra kritikë brenda partisë kishin hedhur dyshime nëse Merkel do mbaronte mandatin, pasi do kryheshte mocioni i votëbesimit.
AKK preforohet për pasardhëse e Merkelit
Në pyetjen se kush do dëshironit që të ishte pasardhëse e Merkel në CDU, shumica mbështesin të afërmen e kancelares Annegret Kramp-Karrenbauer 43 përqind, më pas vjen kundërshtari i Merkelit Friedrich Merz me 32 përqind dhe në fund me dhjetë përqind është ministri i shëndetësisë Jens Spahn.
Nëse do mbaheshin zgjedhje të dielën të ardhshme unioni krishtero demokrat CSU dhe CDU do fitonin 26 përqind, kurse rritje të ndjeshme kanë shënuar Të Gjelbërit me 23 përqind. Popullistët e djathtë AfD do kishin 14 përqind të votave.
Lajme të këqija ka për të dorëhequrin tjetër Horst Seehofer: 73 përqind e të anketuarve kërkojnë që ai të jap dorëheqje edhe nga posti i ministrit të brendshëm. Seehofer javën e kaluar dha dorëheqje nga shefi i CSU, por është kthyer në antipatik te gjermanët. Ai njihet për politika anti-emigracion dhe i afërt me kancelarin austriak Sebastian Kurz./Foldrejt.com
