Agjencia e Statistikave e Kosovës (ASK), në raportin “Statistikat e Mirëqenies Sociale, Gusht 2023”, ka njoftuar se numri i atyre që përfitojnë nga skemat e pensioneve bazike të moshës në gusht 2023, krahasuar me muajin e njëjtë të vitit të kaluar, ka rënë, shkruan Fol Drejt.
“Në muajin gusht 2023 nga skema e ndihmës sociale kanë përfituar 20 810 familje me gjithsej 81 903 anëtarë, ku krahasuar me periudhën e njëjtë të vitit paraprak që ishte 24 627 familje me gjithsej 97 124 anëtarë, vërehet një rënie e numrit të familjeve përfituese nga kjo skemë për 3 817, ose 15,5%” – thuhet ndër të tjera në raport.
Më tutje raporti thekson se në muajin që e lamë prapa “krahasuar me muajin gusht 2022 kishte rritje të përfituesve nga: Skema e pensioneve bazike të moshës (18,1%); skema për pensionet e personave paraplegjik dhe tetraplegjik (16,1%); skema për mbështetje materiale familjeve që kanë fëmijë me aftësi të kufizuara (14,7%); skema e pensioneve për Forcën e Sigurisë së Kosovës (FSK) (10,7%); skema e pensioneve për personat me aftësi të kufizuara (7,1%); skema e pensioneve kontribut-paguese të moshës (5,6%); skema e kompensimit për punëtorët e arsimit që punuan gjatë vitit shkollor 1990/91 deri në vitin shkollor 1998/99 (5,3%); skema e pensioneve të Trupave Mbrojtëse të Kosovës (TMK) (2,8%); skema për veteranët e luftës (0,2%).”
Në përgjithësi sipas ASK-së, “në muajin gusht 2023, krahasuar me muajin gusht 2022, kishte rënie të numrit të përfituesve nga:
Skema për pensionet e Trepçës (-18,6%); skema për pensionet invalidore (-18,0%); skema për pensionet familjare (-9,6%); skema për familjet e dëshmorëve dhe invalidët e luftës (-1,6%); skema e kompensimeve për personat e verbër (-0,2%).”/FolDrejt/
