BE i tregon dhëmbët Iranit – të martën janë ratifikuar sankcione të reja kundër agjentëve iranianë, të cilët akuzohen se gjatë 2018 kanë tentuar të përgatisin sulme terroriste në Danimarkë, Hollandë, Shqipëri si dhe dyshohet edhe për përfshirje të tjera në vende si Franca dhe Gjermania, shkruajnë mediat gjermanofone, mes të cilave edhe “Bild” dhe “Focus”.
“Sinjal i fuqishëm i BE, që tregon se nuk pranon këto trajtime në kontinentin e Europës,” shkruan ministri i jashtëm danez Anders Samuelsen. “BE qëndron e bashkuar.”
Qeveria hollandeze në anën tjetër është e bindur se dy sulme vdekjeprurëse në vendin e saj janë përgatitur nga agjentët iranianë. Pikërisht këto sulme kanë qenë edhe arsyeja kryesore e sankcioneve të reja.
Tashmë Irani krahas kundërshtive me administratën Donald Trump, ka edhe një kundërshtar tjetër – Bashkimin Europian./Foldrejt.com
