Albian Ajeti është ndër lojtarët e ri më premtues të Zvicrës. Ai ka kryer një intervistë për median më të klikuar zvicerane blick.ch.
“Shqipëria është atdheu i familjes time. Megjithatë unë kam vendosur të luaj për Zvicrën dhe jo për Shqipërinë,” thotë Ajeti në pyetjen e parë.
Në lidhje me vëllezërit e tij Adonis dhe Arlind, ai shton se kanë kontakte të përditshme, por Adonisi ka pasur një fatkeqësi pasi ka qenë i lënduar për 14 deri 15 muaj. Momentalisht Adonisi luan në Chiasso, kurse Arlindi në GC.
I pyetur nëse ka gjetur ndonjë të dashur, Arlindi thotë se akoma nuk është dashuruar, por mbase së shpejti mund të ketë ndonjë lidhje.
Për paranë thotë se është e rëndësishme, por më me vlerë është shëndeti. Kurse rreth ushqimit të preferuar thotë se pëlqen gjithçka që përgatit nëna e tij.
“Nëna është gjithçka për mua. Nuk ka ditë, që ne nuk flasim me njëri-tjetrin.”
Në fund Ajeti thotë se do kryejë pushimet verore në Dubai, kurse në të ardhmen mendon të largohet nga liga zvicerane./Foldrejt.com
