Gjatë një akcioni gjithëpërfshirës të policisë zvicerane janë arrestuar 13 persona të dyshuar për grabitës dhe pa leje qëndrimi në Kantonin Aargau, shkruan “NZZ”. Dy prej tyre u arrestuan në flagrancë gjatë grabitjes, kurse dy të tjerë edhepse ju arratisën policisë u kapën më vonë, përcjell foldrejt.com.
Prej të arrestuarve janë tre kosovarë, që në ora 15.00 udhëtonin me një automjet përmes Zvicrës, kurse të tre nuk kishin dokumenta të rregullta. Rreth gjysëm ore më vonë policia në vendin Aarbug kapi një kosovar dhe dy shqiptarë të cilët përveç që kishin shuma marramendëse kesh, me vete mbanin edhe heroinë.
Në orën 18 në Oftringen u ndaluan dy shqiptarë tjerë, të cilëve ju sekuestrua heroinë dhe kokainë. Të dy u arrestuan.
Rreth orës 19 në Küttingen u kapën dy gjeorgjianë të cilët kishin mjete të forta metalike, të cilët me gjasë i përdornin gjatë grabitjeve.
Në ora 20.20 në Ruppersëil u ndalua një automjet me dy kosovarë dhe një italian. Më vonë u konstatua se njëri nga kosovarët ishte shpallur në kërkim nga policia.
Rreth orës 23 në një firmë në Aarau u lajmërua për grabitje, ku mbetën të arrestuar një zviceran dhe një italian. Të dy u kapën në flagrancë.
Në Kantonin Aargau poashtu u kapën gjatë asaj dite edhe tre person tjetër i dyshuar për diler.
Të gjithë të lartëpërmendurit janë dërguar përpara organeve të drejtësisë./Foldrejt.com
