“Policia e Kosovës është një institucion plotësisht i integruar dhe i aftë, me një evidencë të demonstruar për të ndihmuar shpërbërjen e terrorizmit ndërkombëtar, krimit kibernetik, narkotikëve, armëve dhe rrjeteve të trafikimit të qenieve njerëzore. Një shumicë e vendeve e panë këtë dhe e mbështetën kërkesën e Kosovës për t’u bashkuar me INTERPOL-in, përballë një fushate të udhëhequr nga Serbia, për të ushtruar presion ndaj shteteve për të kundërshtuar ofertën e Kosovës. Mbështetja për anëtarësimin e Kosovës në INTERPOL nuk ka qenë kurrë mbi kushtin e njohjes së pavarësisë së Kosovës, por në forcimin e bashkëpunimit ndërkombëtar për zbatimin e ligjit dhe mbylljen e hendekut kritik të sigurisë në Ballkan. Me këtë rezultat, ne të gjithë humbasim. Ne vazhdojmë të mbështesim fuqishëm dialogun e ndërmjetësuar nga BE-ja në mes të Kosovës dhe Serbisë. Tani më shumë se kurrë, të dyja palët duhet të përshpejtojnë përpjekjet e tyre për të arritur marrëveshje për normalizimin e plotë, e cila është e vetmja mënyrë që të dy vendet të përparojnë në rrugët e tyre të pranimit në BE. Si Serbia ashtu edhe Kosova duhet të kuptojnë se shtigjet e tyre drejt të ardhmes së tyre evropiane qëndrojnë nëpërmjet normalizimit. Për këtë qëllim, i nxisim ata që të shmangin provokimet dhe të punojnë së bashku në një marrëveshje”. / Ibna /
