Samiti i paqes, që do të mbahet me ndërmjetësimin e Sekretarit të Përgjithshëm të OKB-së, Antonio Guterres, mund të zhvillohet në selinë e OKB-së në Nju Jork më 24 shkurt, tha në një deklaratë për agjencinë e lajmeve Anadolu, ambasadori i Ukrainës në Turqi, Vasyl Bodnar, transmeton Ukrinform, përcjell Fol Drejt.
Diplomati kujtoi se presidenti ukrainas Volodymyr Zelensky në deklaratën e tij në samitin e G20 prezantoi një plan paqeje prej dhjetë pikash që parashikon sigurinë e Ukrainës dhe rajonit, sigurinë ushqimore, sigurinë energjetike dhe tërheqjen e trupave ruse nga Ukraina.
“I jam mirënjohës Ministrit të Punëve të Jashtme Mevlüt Çavuşoğlu, i cili zyrtarisht njoftoi se Turqia mbështet planin e propozuar të paqes të Ukrainës dhe është e gatshme të marrë pjesë në zbatimin e tij”, tha ai.
Bodnar vuri në dukje gjithashtu nismat ndërmjetësuese të Turqisë dhe iniciativat e zbatuara me sukses, duke përfshirë hapjen dhe funksionimin e “korridorit të grurit”.
Më parë, Bodnar mohoi raportet për furnizim nga Turqia me grumbull municionesh të Ukrainës. /FolDrejt/
