Sipas një raporti nga ‘Bloomberg’ që citon njerëzit që njihen me këtë çështje, në vitin 2019, Apple mund të lansojë një palë kufje me model mbi vesh.
Kufjet janë të dizajnuara për të konkurruar me modelet nga ‘Bose’ dhe ‘Sennheiser’. Këto kufje luksoze mund të shiten nën markën ‘Apple’, në vend të markës ‘Beats’, të cilën Apple e bleu në vitin 2014, për 3 miliardë dollarë, raporton Business Insider.
Modeli i kufjeve të ‘Bose’, që konsiderohet prej më të mirave në treg, është ‘wireless’ pa tel dhe kufizues i zhurmës, ‘QuietComfort 35’, i cili kushton 349 dollarë.
Apple është kthyer tërësisht në pajisje të audios, të kushtueshme, për të rritur të ardhurat dhe fitimin. ‘AirPods’ të Apple, që kushtojnë 159 dollarë, kanë qenë të famshme me konsumatorët. Ndërsa, ‘HomePod’, një altoparlant luksoz që lidhet me internet, nuk është pritur aq ngrohtësisht, transmeton RTKlive.
