Asetet dixhitale, të tilla si kriptovalutat dhe Bitcoin, kanë një “boshllëk rregullator” që duhet të adresohet, tha të martën në Kongres shefi i një rregullatori të tregut amerikan, raporton AA, përcjell Fol Drejt.
“Një nga rekomandimet thelbësore i bëri thirrje Kongresit të miratojë legjislacionin për të mbushur boshllëkun e qartë rregullator mbi tregun spot për asetet dixhitale që nuk janë letra me vlerë,” tha kryetari i Komisionit të Tregtisë së të Ardhshmes së Mallrave (CFTC), Rostin Behnam në një dëshmi përpara Komisionit të Dhomës së Përfaqësuesve të ShBA-së për Bujqësia.
“Lënia e miliarda dollarëve të fondeve dhe investimeve të klientëve në entitete kryesisht të parregulluara është një recetë për katastrofë. Por historia e fundit mund të na mësojë shumë mësime,” tha ai, duke përmendur krizën financiare të vitit 2008 dhe reformat që pasuan.
Behnam renditi parimet thelbësore të rregullimit të tregut, duke përfshirë “transparencën, raportimin dhe regjistrimin” dhe shtoi: “Këto mjete janë të nevojshme për të parandaluar krizat e ardhshme”.
“Tokeni më i madh, Bitcoin, është një mall dhe që është përcaktuar nga një gjykatë federale; dhe kjo, sipas ligjit amerikan, është e parregulluar,” tha ai.
Komentet e Behnam erdhën pasi Komisioni i Letrave me Vlerë (SEC) akuzoi platformën e shkëmbimit të kriptove Coinbase për shkelje të ligjeve të shkëmbimit dhe letrave me vlerë.
SEC gjithashtu ngriti 13 akuza të hënën kundër platformës më të madhe të tregtimit të kriptove në botë, Binance, dhe themeluesit dhe CEO Changpeng Zhao, për shkelje të disa ligjeve të letrave me vlerë të ShBA. /FolDrejt/
