“At Sergei” është një tregim i shkurtër i shkruar nga Leon Tolstoi mes viteve 1890-1898, dhe i botuar pas vdekjes së autorit në vitin 1911.
Historia fillon me fëmijërinë dhe rininë e kualifikuar dhe të jashtëzakonshme të princit Stepan Kasatskit. I riu është i destinuar për gjëra të mëdha. Ai zbulon në prag të dasmës së tij se e ëma e tij, Kontesha Mari Korotkova ka patur një lidhje me të dashurin e saj Car Nikollën të Parë. Goditja ndaj krenarisë së tij është e madhe, andaj ai tërhiqet në krahët e Kishës Ortodokse Ruse dhe bëhet një murg. Kalon mjaft vite mes përulësisë dhe dyshimit dhe pas një periudhe të caktuar kohore vendos që të tërhiqet në vetmi. Duke qenë i tërhequr nga bota që e rrethon dhe larg jetës së kësaj bote, në momente gjatë tregimit ai akoma kujtohet se si e ka transformuar kaq shumë jetën e tij. Një natë dimri, një grup krijuesish festash vendosin që ta vizitojnë At Sergein, mes të cilave ishte edhe një grua e divorcuar me emrin Makovkina, e cila kalon natën në qelinë e tij me qëllim që ta joshë atë. At Sergei duke njohur veten e tij që ende është i dobët dhe duke mos dashtur që të bjerë në mëkat, heq gishtin e tij duke dashur që vetes ti shkaktojë dhimbje dhe të tejkalojë situatën joshëse. Makovkina e tronditur nga ky akt largohet qysh prej orëve të para të mëngjesit, duke u zotuar se do të ndryshojë jetën e saj.
Një vit më vonë, At Sergei i bashkangjitet një manastiri. Reputacioni i tij sa i takon shenjtërisë fillon që të rritet dhe bëhet i njohur për aftësitë e tija shëruese, saqë pelegrinë nga shumë larg vijnë për ta vizituar. Megjithatë At Sergei është thellësisht i vetëdijshëm për pamundësinë e tij për të arritur një besim të vërtetë. Ai vazhdon të torturohet nga mërzia, krenaria dhe epshi. Përderisa tejkaloi sprovën me Makovkinën e bukur dhe të hijshme, ai bie pre e epshit ndaj vajzës së vogël të një tregtari. Mëngjesin e nesërm ai largohet nga manastiri dhe kërkon që ta gjejë kushërirën e tij, Pashenkën, të cilën ai bashkë me një grup të tjerë djemsh e kishin torturuar shumë vite më parë. Ai gjen Pashenkën, tani në të gjitha shqisat konvencionale një dështim në jetë, por e mbushur me një ndejnjë shërbimi ndaj familjes së saj. Rruga e At Sergeit tani është e pastër dhe e qartë. Ai fillon të endet rrugëve, ku tetë muaj më vonë arrestohet në shoqërinë e një lypësi të verbër që e bën atë të ndihet më pranë Perëndisë. Ai dërgohet në Siberi ku punon si njeri i punësuar i një fshatari të mirë, duke i mësuar fëmijët të vegjël dhe duke punuar në kopshte.
Për të gjitha ata të cilët dëshirojnë që këtë tregim të shkurtër ta shohin në mënyrë vizuele, mund të shohin filmat në vijim:
Father Sergius (1918) – film i heshtur i drejtuar nga Jakov Protazanov dhe Aleksandër Volkoff;
Father Sergius (1978) – film dramë e drejtuar nga Igor Talankin; si dhe
The Sun Also Shines at Night (1990) – film italian i drejtuar nga Paolo dhe Vittorio Taivan.
