Në vitet 90-të Shqipëria shquhej për popullsinë më të re të Europës, megjithatë emigrimi masiv drejt Perëndimit dhe kushtet e reja të tregut të punës duket se kanë mundësuar plakjen rekord të shoqërisë shqiptare. Nëse në vitet e para të pluralizmit shqiptar mosha mesatare ishte 24 vjeç, projeksionet për vitin 2060 janë 48 vjeç, bën të ditur llogaritë e Kombeve të Bashkuara mbi Perspektivat e Popullatës.
Në 1994 në vendet e rajonit mosha mesatare e popullsisë ishte mbi 30 vjeç. Serbia kryesonte listën me një moshë mesatare prej 33 vjeç. Më pas renditej Bosnje dhe Hercegovina me moshë mesatare 32 vjeç, Malin e Zi me 31 vjeç dhe Maqedonia me 30 vjeç. Ndërsa në Europë vendet me moshë mesatare më të madhe në 1994 ishin Suedia, Italia dhe Gjermania, me 38 vjeç.
Në fillim të viteve 2000, mosha mesatare do të rritej për të gjithë Europën. Italia dhe Gjermania do kishin plakjen më të shpejtë me moshë mesatare prej 41 vjeç.
Në 2021 projeksionet e Kombeve të Bashkuara mbi moshën mesatare është 35 vjeç në Shqipëri, ku krahasuar me vendet e rajonit sërish ka moshën më të re.
Por situata paraqitet e zymtë në 2060, ku sipas projeksioneve të Kombeve të Bashkuara Shqipëria do të ketë një moshë mesatare më të madhe se vendet e rajonit si Maqedonia, Mali i Zi dhe Serbia. Por më të madhe se Shqipëria do e ketë Bosnja (53), e cila sëbashku me Portugalinë rënditen në krye të listës europiane (shih hartën).
Pavarësisht se Maqedonia stimuloi rritjen e popullsisë duke dhënë ndihma prej 150 eurove në muaj për fëmijën e tretë, qeveria e re socialdemokrate e abrogoi ligjin me pretekstin se përsëri nuk ka rritje të mjaftueshme të popullsisë. Lindjet mesatare në Maqedoni ishin 21 mijë gjatë 2017, kurse përpara disa vitesh kjo ishte për 3000 më e madhe, njofton foldrejt.com.
Një ndër kushtet bazë për mbarëvajtjen ekonomike është edhe rritja e popullsisë, sëpaku të mos zvogëlohet. Nëse shtetet perëndimore këtë e rregullojnë përmes pranimit të emigrantëve, lindën pyetje sesi do e rikuperojnë vendet e Ballkanit dhe në këtë rast Shqipëria dhe Maqedonia?
