Në kohën kur Kosova u detyrua të nënshkruajë demarkacionin me Malin e Zi, vetëm e vëtëm që të liberalizoheshin vizat me BE-në, kjo e fundit tashmë po zvarrit procesin që mund të zgjasë deri 2020, informon foldrejt.com.
“Puna është kryer nga Kosova, kur është marr vendimi, ishte radha jonë të implementojmë. Kjo ka filluar me raportin përfundimtar nga ana e Komisionit, pastaj është marr Parlamenti me këtë çështje, kanë qenë pesëqind vota për, njëqind kundër. Pra, ka pasur një shumicë të madhe. Tash çështja gjendet në Këshillin Evropian. Këshilli është ai që merr më shumë kohë, për ta kaluar këtë hap të procesit, kam shumë besim që viti 2020 është shumë realiste, ndoshta më herët, por mos mbani peng të datave”, tha kryekomisioneri i zgjerimit Johanes Hahn, duke prerë shpresat e gjithë banorëve të Kosovës – që janë të vetmit në rajon që u nevojitet vizë për në zonën Shengen.
Kjo tregon se jo në çdo çështje duhen dëgjuar të huajt, pasi vjen koha që edhe ata nuk i mbajnë premtimet – siç ishte ngërçi i demarkacionit.
Mes tjerash Hahn shtoi se gjashtë vendet e Ballkanit Perëndimor kanë perspektivë evropiane. Ku sipas tij, kriteri kryesor është që të zgjidhen problemet reciproke, duke përmendur kështu dialogun me Serbinë dhe largimin e taksës 100 përqind për produktet serbe.
Europa gjithmonë e më tepër po orientohet djathtas dhe kjo mund të jetë një faktor që vizat nuk po liberalizohen me Kosovën. Poashtu popullistët e djathtë gjithmonë e më tepër po shënojnë ngritje./Foldrejt.com
