Politikani me përvojën më të madhe në trojet shqiptare, Sali Berisha, është shprehur i indinjuar me akuzat e reja nga Gjykata Speciale, që janë tërësisht të stisura nga një filo-sllav si Dick Marty.
“Kemi të bëjmë me një procedurë të paralajmëruar, krejtësisht dhe qartësisht, për vite e vite. Kemi të bëjmë me një proces, i cili në vlerësimin tim dhe bindjen më të thellë është fermentuar në Beograd”, tha Berisha, duke dhënë edhe një argument të fuqishëm se po të kishte dyshime rreth trafikimit të organeve, do (keq)përdorej edhe nga Milloshevici në Hagë.
Më tutje Berisha shtoi se 70 apo 80 përqind e raportit të Martyr është material nga Prokurori i Beogradit, Vukcevic.
Gabimi i Thaçit
Sipas Berishës, këtu ka bërë një gabim edhe Hashim Thaçi, i cili, nuk ka ngritur një padi civile ndaj Martyt.
“Zoti Thaçi mendoj se bëri një gabim të rëndë. Nuk ngriti padi civile. Padi penale ndoshta nuk ngrinte dot, se kishte imunitetin e parlamentarit të KE-së, por nga padia civile ai nuk duhej të shpëtonte në asnjë mënyrë. Ata që stisën raportin e transplantit të organeve, bënë gjithçka pastaj për ta bërë të detyueshëm hetimin e raportit,” tha në fund Berisha.
Por lindën pyetja, nëse Berisha e kishte këshilluar më parë Thaçin për padinë civile ose udhëheqësit shqiptarë bëhen bashkë vetëm atëherë kur është tepër vonë?/Foldrejt.com
