Ministri i Frocës së Sigurisë së Kosovës (FSK), Rrustem Berisha ka theksuar se 12 qershori i vitit 1999 do të mbetet përjetësisht në historinë më të re të Kosovës si dita e kthimit të shpresës kur e përjetuam lirinë dhe çlirimin.
Këtë deklaratë ai e bëri në ceremoninë e zbulimit të pllakës memoriale për ushtarët e KFOR-it, në Prishtinë.
Berisha tha se ky monument i cili është ndërtuar në kujtim të 157-të ushtarëve të rënë nga viti 1999 e deri më sot është shumë pak për të falënderuar të gjithë ata që bën shumë për popullin e Kosovës.
“Me mijëra ushtarë paqeruajtës na ndihmuan të ndalohej gjenocidi ndaj popullit shqiptarë dhe bashkërisht të ndërtonim një Kosovë të re si shtet i pavarur dhe sovranë me mundësi të barabarta për të gjithë qytetarët e Kosovës. Monumenti që ndërtuam në kujtim të 157 ushtarëve të rënë që nga viti 1999 e deri më sot janë shumë pak për të falënderuar ata që bën shumë për ne”, theksoi Berisha.
Ai po ashtu falënderoi NATO-n, KFOR-in dhe shtetet mbështetëse për kontributin e dhënë për një mjedis të qetë dhe të sigurt si dhe për mbështetjen e vazhdueshme që i japin për FSK-së.
