Presidenti bjellorus, Alexander Lukashenko, u ka bërë thirrje vendeve perëndimore që të dëgjojnë “arsyen” dhe të rifillojnë dialogun e sigurisë me Bjellorusinë dhe Rusinë.
“Rusia dhe Bjellorusia, siç themi shpesh Vladimir Putin dhe unë, janë të hapura për dialog me vendet e tjera, përfshirë me ato evropiane. Shpresoj se së shpejti ata do të dëgjojnë zërin e arsyes dhe do të kalojmë në një diskutim kontruktiv për çështjet e sigurisë së përgjithshme dhe rendit të ardhshëm botëror”, tha Lukashenko pas një takimi me presidentin rus në kryeqytetin bjellorus Minsk, shkruan AA, transmeton Fol Drejt.
Duke pohuar se Moska dhe Minsku arritën të kapërcejnë pasojat e mundshme negative nga sanksionet perëndimore për luftën në Ukrainë, Lukashenko tha se kohët e vështira kërkojnë që vendet të kenë vullnet politik dhe të orientohen drejt rezultateve në të gjitha temat e agjendës dypalëshe.
“Kjo është përgjigja jonë. Sa të suksesshëm do të jemi në këtë punë varet nga vendi që shtetet tona do t’i sigurojnë vetes nesër në sistemin e ri të koordinatave ndërkombëtare”, tha Lukashenko.
Ai tha se të dy vendet janë përgjigjur në mënyrë efektive ndaj kërcënimeve dhe sfidave me të cilat përballeshin, ndërsa pranoi se ka disa “tehe të ashpra”.
“Forcimi i lidhjeve Bjellorusi-Rusi është bërë një përgjigje e natyrshme ndaj ndryshimit të situatës në botë, ku ne vazhdimisht, fuqishëm, testohemi dhe testohemi”, shtoi ai.
Megjithatë, për lidhje dypalëshe presidenti bjellorus tha se disa vende perëndimore i “shteruan mundësitë e tyre negociuese” për disa çështje të ndjeshme.
Lukashenko po ashtu i propozoi Putin-it që të punojnë në “fusha strategjike që mund të përcaktojnë të ardhmen e afërt të Bjellorusisë dhe Rusisë”. Ai shtoi se zgjidhja e çështjeve të ndjeshme ekonomike për të ndihmuar sigurimin e mirëqenies së popujve të tyre është një prioritet për Minskun dhe Moskën.
Putin, i cili qëndron për një vizitë në Minsk, nga ana e tij tha se bashkëpunimi ekonomik është një “prioritet” në marrëdhëniet midis Rusisë dhe Bjellorusisë.
Ai njoftoi se qarkullimi tregtar midis dy vendeve mund të arrijë një rekord prej 40 miliardë dollarësh deri në fund të vitit 2022, duke u shprehur se Rusia është e gatshme të ndihmojë Bjellorusinë në zhvillimin e nergjisë bërthamore, pavarësisht se është potencialisht më fitimprurëse thjesht furnizimi me më tepër gaz natyror.
“Në sektorin e energjisë, siç theksuam me Alexander Grigorievich-in (Lukashenko), Rusia, edhe pse në dëm të saj, vazhdon projektin bërthamor. Ne po ndërtojmë një central bërthamor. Njësia e parë po funksionon”, tha Putin.
Gjatë takimit në Minsk, presidenti rus mes zyrtarëve të tjerë shoqërohej edhe nga ministri i Punëve të Jashtme, Sergey Lavrov, ministri i Mbrojtjes, Sergey Shoygu, të cilët zhvilluan takime të ndara me homologët e tyre bjellorusë./FolDrejt/
