Markinjos dhe Nejmar u përplasën në mënyrë verbale me drejtorin sportiv Luis Campos pas debaklit që parisienët përjetuan në përballjen me Monacon.
Kur nuk ka rezultat, ka tensione dhe zënka! Mediat franceze po zhurmojnë se lojtarët e Paris Saint-Germain janë përplasur verbalisht me drejtorin sportiv të klubit, Luis Campos, pas humbjes 3:1 nga Monaco në xhiron e 23-të të kampionatit francez, raporton media L’Équipe.
Që nga fillimi i vitit, PSG ka shënuar tre humbje dhe një barazim në shtatë ndeshje në kampionatin francez. Skuadra u përjashtua nga Olympique Marseille në Kupën Kombëtare. Debakli nga Monaco tregoi se ka fërkime në skuadër. Dyshohet se ka pasur një diskutim të ashpër mes disa lojtarëve dhe drejtorit sportiv të klubit, i cili kritikoi lojtarët për dështimin e tyre.
“Nejmar nuk i pëlqeu kritikat pas humbjes ndaj Markinjos. Të dy palët u përplasën në formë verbale që i habiti të gjithë. Neymar luajti 90 minuta kundër Monakos, por ishte shumë nervoz gjatë ndeshjes. Madje ai ishte i ashpër ndaj shokëve të skuadrës. Andaj, kritikat e Kampos ishin pika e fundit”, thonë mediat.
Kilian Mbape gjithashtu shkroi në rrjetet sociale.
“Gjëja më e rëndësishme është të qëndrojmë të fortë dhe të bashkuar,” potencoi Mbape.
PSG do të mirëpresë Bayernin në ndeshjen e parë në këtë fazë të Ligës së Kampionëve të martën, transmeton Fol Drejt.
