Prindërit e Mahmutit emigruan përpara 40 vjetësh nga Turqia në Austri dhe prej atëherë lëshuan nënshtetësinë turke. Në këto kohë, partia populliste qeveritare FPÖ kërkon që qytetarët me rrënjë turke të mos quhen austriakë. Megjithatë, “si mund ta vërtetosh që ndokush nuk është turk”, shkruan “Frankfurter Allgemeine Zeitung”.
Përndryshe, Mahmuti është 38 vjeçar dhe austriak. Ai ka lindur në Vjenë dhe është shkolluar atje. Tani punon si shofer autobusi.
“Natën shtrihem të flej si austriak, por nuk e di sesi do jetë ditën e nesërmja.”
Çfarë do ndodhë nëse ndonjë ditë i vije një urdhër me zarf që të heq dorë nga nënshtetësia austriake. A mund të qëndrojë akoma në Austri ose jo? A do humb shtëpinë dhe punën? Çfarë do ndodh me gruan e tij dhe dy fëmijët e tij? Si do përshtateshin fëmijët e tij në Turqi, duke qenë brezi i tretë austriak?
Këtë hall e kanë shumica e turko-austriakëve, të cilët ankohen për racizëm dhe islamofobi nga qeveria e re austriake mes popullistëve të FPÖ dhe konservatorëve të djathtë ÖVP.
Mahmuti është austriak nga mosha 16 vjeçare dhe sipas ligjit austriak, duhej të lështonte nënshtetësinë turke. Prej atëherë ata ndjehen austriake. Ai mëson gjithmonë e më tepër gjermanisht, kurse fëmijët gjithmonë e më pak turqisht. Ai betohet se kurrë nuk ka aplikuar për pasaportën turke. Megjithatë, autoritetet austriake nuk e besojnë këtë. Tashmë Mahmuti duhet të vërtetojë se nuk është turk, që ai të mbetet austriak.
Qeveria austriake bën me dije se disponon një listë sekrete me të cilën “austriakët” me origjinë të huaj kanë marrë pasaportë edhe të vendeve të origjinës. Pikërisht këto persona rrezikojnë ndjeshëm shtetësinë austriake dhe mbase së shpejti do duhet të përballen me një sprovë të madhe./Foldrejt.com
