Serbia dhe Kosova janë larg gjetjes së një marrëveshjeje paqësore dhe bashkëpunuese, përlundër që dialogu po vijon të ndodhe, duke përfshirë edhe hapjen e bisedimeve rreth shkëmbimit të territoreve, thotë kryeministrja Ana Brnac, shkruan prestigjiozja britanike “Financial Times”.
“Personalisht kërkoj një marrëveshje sa më parë të jetë e mundur. Por unë nuk mendoj se realisht jemi afër ndonjë marrëveshjeje,” tha Brnabic, përcjell në shqip ekskluzivisht foldrejt.com.
Dallimet mes Kosovës dhe Serbisë janë tepër të thella dhe delikate në kulturë, histori, politikë dhe çështje territoriale.
“Shpesh e kam thënë se momentalisht jemi në pozita skizofrenike, që është mes politikave të shekullit të 21 dhe politikave të shekullit 19,” vijoi kryeministrja serbe rreth ngjarjeve të fundvitit në Kosovë dhe shtoi se liderët kosovarë gabojnë shumë kur mendojnë thjeshtë se fundi i dialogut do jetë njohja e Kosovës nga Serbia.
Poashtu, sipas Brnabic, edhe Brukseli gabon me kushtin e njohjes së pavarësisë së Kosovës, pasi në kërkesat zyrtare të Brukselit për Beogradin thuhet “marrëveshje afatgjatë të normalizimit” me Kosovën.
Kryeministrja serbe ndodhet në një konferencë në Oksford, kurse ditë më parë ishte takuar me presidentin Thaçi në Minks të Bellorusisë, ku i kishte thënë: “”Po pyes nëse ka një dëshirë, një dëshirë të ndershme, nga disa nga politikanët në Prishtinë që në të vërtetë të vazhdojnë dialogun dhe të arrijnë një marrëveshje”.
Në lidhje me ndryshimin e kufijve Brnabic tha se Kutia e Pandorës u hap dhjetë vjet më parë dhe tani nuk mund të thuhet se nuk mund të hapet, përcjell foldrejt.com.
Kur bëhet fjalë të marrëveshja përfundimtare, “nëse do arrihet, duhet të jetë shumë më gjithëpërfshirëse. Duhet të kyqen të drejtat e njeriut, të drejtat minoritare, bashkëpunimi ekonomik, bashkëpunim afatgjatë mes serbëve dhe shqiptarëve, duke mësuar për traditën dhe gjuhën e njëri-tjetrit, kishat dhe manastiret.”
Në fund ajo tha se shpreson që Serbia të anëtarësohet në BE gjatë 2025.
