Nëse e hani në sasi të mëdha, do të merrni shumë kalori dhe ndoshta do të shtoni disa kilogramë më tepër.
Këtu janë tre ndryshime që mund të prisni nëse eliminoni bukën nga dieta juaj:
1. Do të humbni kilogramë të shkaktuar nga grumbullimi i ujit në trup
Buka është e mbushur me karbohidrate, dhe nxjerrja e papritur e tyre do të vërehet në trup në formën e humbjes së peshës. Por nuk bëhet fjalë për humbje të menjëhershme në peshë, por për humbje të ujit që grumbullohet në trup. Trupi ruan karbohidratet në formën e glikogjenit, acidit laktik që mbledh ujin. Çdo gram karbohidrate e mbajtur në trup ruan dhe lidh tre deri në katër herë peshën e tij në ujë.
2. Nuk do të jeni të uritur gjatë gjithë kohës
Karbohidratet e përpunuara, si buka e bardhë, shkaktojnë një rritje të papritur dhe rritje të sheqerit në gjak në trupin tuaj, i cili më pas bie shumë shpejt. Këto ndryshime të papritura dërgojnë sinjale të paqarta në tru që rrisin urinë dhe dëshirat për ushqim, duke na bërë të shtojmë peshë.
Por kjo nuk do të thotë që ju duhet ta eliminoni plotësisht bukën nga dieta juaj, por të zëvendësoni kaloritë boshe dhe bukën e bardhë me ato të bëra nga drithërat që rregullojnë dhe balancojnë sheqerin në gjak.
3. Energjia juaj do të rritet dhe tretja juaj do të përmirësohet
Ndryshe nga buka integrale apo e zezë, buka e bardhë nuk përmban fibra, të cilat janë shumë të nevojshme për funksionimin normal të zorrëve dhe tretjen. Një ushqim i tillë shkakton kapsllëk dhe probleme me tretjen. Pasi të eliminoni bukën e bardhë nga menyja dhe të përfshini drithërat në dietën tuaj të përditshme, tretja fillon të funksionojë normalisht dhe lehtë./FolDrejt/