Cdo individ posedon vlera dhe norma morale që e dallojnë atë nga individët e tjerë. Gjithashtu individët dallojnë midis veti edhe sa i takon karakterit dhe tipit të personalitetit. Andaj nga e gjithë kjo, mund që të thuhet se individë të ndryshëm kanë një sjellje të ndryshme sa i takon konsumimit të mallrave dhe shërbimeve. Por cka në realitet paraqet sjellja konsumatore? Ekzistojnë definicione të ndryshme sa i takon sjelljes konsumatore.Një definicion mbi sjelljen konsumatore do të ishte që ajo studjon individët, grupet ose organizatat, si dhe proceset që ato përdorin për të zgjedhur, siguruar, përdorur, blerë produktet, shërbimet, eksperiencat ose idetë për të plotësuar nevojat, dhe ndikimet që këto procese kanë mbi konsumatorin dhe shoqërinë.Ndërsa një definicion tjetër do të ishte që sjellja konsumatore ka të bëjë me aktet mendore dhe fizike(sjellja), duke përfshirë shkaqet dhe motivet e tyre, të individëve dhe grupeve në lidhje me orientimin, blerjen, përdorimin, mirëmbajtjen, hedhjen dhe prodhimin vetjak.
Studimi i sjelljes konsumatore fillimisht në epiqendër ka individin. Individët të bashkuar nëpër grupe apo organizata padyshim se do të kishin sjelljen e tyre të caktuar konsumatore. Sjellja konsumatore ka të bëjë me atë se si individët të bashkuar në grupe apo institucione bëjnë zgjedhjen e produkteve dhe shërbimeve duke i siguruar ato nga rrugë prej me të ndryshmet me qëllim të përdorimit dhe plotësimit të nevojave dhe ndikimi i gjithë këtij procesi mbi individin. Pra, kompanive do tu interesonte sjellja e konsumatorëve që kanë ndaj produktit të blerë apo shërbimit të shrytëzuar. Duke qenë tek blerja e produktit nga ana e konsumatorit do të vecojmë tri momente me rëndësi dhe atë sigurimin, konsumimin dhe qëndrimin që kanë individët ndaj produktit. Kur jemi te sigurimi i produktit kompanitë duhet që të posedojnë një informacion se si konsumatorët arrijnë deri tek produkti dhe si e bëjnë pagesën për atë produkt më pas për të vlerësuar sjelljen e tyre . Kështu disa konsumatorë produktet e tyre mund që ti sigurojnë nëpër shitore apo supermarkete ndërsa disa të tjerë nëpëmjet internetit.
Disa konsumatorë mund që të pagujanë me para në dorë në momentin e blerjes së produktit apo shrytëzimit të shërbimit ndërsa të tjerët mund që të paguajnë nëpërmjet kartë kreditit. Të gjithë këto përbëjnë një sjellje të caktuar konsumatore që do të ndikojnë në vendimarrjen e kompanisë. Pastaj një moment tjetër me rëndësi është edhe konsumimi i produktit. Sipas specialistëve do të ishte shumë me rëndësi se si konsumatorët i konsumojnë produktet apo ku i shrytëzojnë ato në shtëpi apo në ndonjë lokacion tjetër psh zyra. Pra pasi që të jetë siguruar produkti i caktuar me rëndësi do të ishte se si dhe ku do të konsumohet ai produkt. Momenti i fundit është qënrdimi që do të ketë konsumatori ndaj produktit . Bile mund që të thuhet se është edhe momenti më me shumë rëndësi pasi që kompanitë nuk kanë për qëllim që vetëm të shesin produktet e tyre vetëm se në një periudhë afatshkurtër por që kjo shitje dhe konsumim nga ana e individëve të jetë e nje periudhe afatgjate. Pra qëndrimi ndaj produktit ka të bëjë me atë se si konsumatorët reagojnë ndaj produktit apo formës së paketimit të produktit. Do të ishte me rëndësi qëndrimi që kanë konsumatorët ndaj produktit pasi që e gjithë kjo do të ndikonte në jetëgjatësinë e produktit në treg.
