Vetëm pak javë më parë, menaxheri i Leipzigut, Max Eberl, foli me optimizëm për zgjatjen e kontratës së Dani Olmos.
Reprezentuesi spanjoll është ende i lidhur kontraktualisht me klubin për sezonin e ardhshëm, që do të thotë se nuk ka shumë kohë për të vazhduar kontratën. Ish-futbollisti i Dinamo Zagrebit është i kujdesshëm, padyshim që është i vetëdijshëm se vitin e ardhshëm mund të përmbushë dëshirën e tij të madhe për t’u transferuar te Barcelona.
Mediat në Katalonjë po raportojnë se Barcelona dëshiron të transferojë lojtarin. Thuhet se Xavi ka folur me të gjatë Botërorit të vitit të kaluar në Katar dhe, natyrisht, ka kontrolluar situatën.
Në Leipzig, megjithatë, janë optimistë dhe besojnë se mund ta mbajnë Olmon. Megjithatë, nëse lojtari dëshiron të largohet, ata praktikisht kanë vetëm kohë për të fituar para me të këtë verë, para se ta presin verën tjetër, ku mundësitë janë që lojtari të largohet falas.
Por, duke qenë se Barcelona ndoshta nuk do të jetë në gjendje të paguajë dëmshpërblime konkrete, në fakt ekziston rreziku që Olmo të largohet nga klubi si lojtar i lirë më 1 korrik 2024.
Sigurisht që as situata e Barcelonës nuk është ideale. Ka klube të tjera që do të ishin të lumtur të merrnin Olmon. Bayerni dhe Real Madridi janë mes tyre, transmeton Fol Drejt.
