Mustafë Mehmeti, Viti
Kosova prej 2008 është shtet i mëvetësishëm, e cila u nda nga ish Republika e Jugosllavisë. Kosovarët janë një popull, të cilët historikisht kanë qenë në anën e Europës dhe gjithmonë është e tillë. Megjithatë ata nuk munden thjesht të udhëtojnë në vendet europiane. Kosovarët ndjehen të izoluar në vendin e tyre.
Arsyeja për këtë është mos liberalizimi i vizave për Kosovën. Kjo ka sjellë që shumë kosovarë të qëndrojnë gjatë përpara ambasadave të huaja në Prishtinë. Këtu nuk bëhet llogari nëse jashtë sundon i nxehti tropikal ose i ftohti siberian. Është diçka e kërkuar nga politika europiane.
Kosovarët kanë një diasporë të madhe që janë të shpërndarë gjithandej nëpër botë. Shumica në BE, e cila për hyerjen e kosovarëve kërkon vizë. Europa duhet të jetë një union i aleancave, ku kombet, besimet, liritë dhe barabarësia janë vlerat fundamentale. Edhepse këto i janë ofruar Kosovës, tregon se vendet europiane vuajnë nga ksenofobia, për të mos përdorur fjalën racizëm – edhepse në shekullin e 21 kjo është aktuale.
Kush nuk ka vizë, me pasaportën kosovare nuk mund të planifikojë pushime në Europë. Këtë për ta arritur të duhet shumë punë administrative, kosto e lartë, pra shumë kohë dhe durim. Dhe në fund jo rrallë herë dëbohesh për shkak të mungesave të dokumentave.
Të vetmet vende ku kosovarët mund të udhëtojnë pa viza janë shtete fqinje, mes tyre edhe Turqia. Dashuria e Kosovës ndaj Evropës është e njëanëshme dhe jo reciproke. A ia vlen një dashuri e refuzuar?
Çfarë kosovarët i le pafjalë është fakti, që Serbia përpara Kosovës i ka fituar liberalizimin e vizave. Si është e mundur kjo? Një shtet që ka sjell konflikte të shumta si në Slloveni, Kroaci, Bosnjë dhe Hercegovinë dhe së fundi në Kosovë.
Nga këto konflikte mbetën të vrarë dhe të lënduar qindra-mijëra persona, kishte përdhunime e kështu me radhë. Dhe ky vend fitoi të drejtën, që me pasaportën serbe të mund të shkohet gjithandej në zonën Shengen. Kjo erdhi, pa marrë përgjegjësinë për krimet e luftës dhe pa i dënuar të pandehurit përpara Gjykatës.
Vendet europiane i kanë vendosur prioritet, që kosovarët ti dënojnë me arrest shtëpiak. Arsyeja e kësaj nuk është e qartë për shumicën. Ndokush pyet: Pse? Pasi gjuha politike është gjithmonë strategjike, nuk është gjuhë e drejtësisë, siç është trumbetuar, por gjuha për interesa vetjake!
Ku janë vlerat europiane? Një pyetje, që secili nga kosovarët e izoluar në vendin e tyre do pyeste politikanët në Europë. Por në vend të një përgjigjeje të rregullt, ata marrin një përgjigje demagogjike të shëmtuar.
Vëretje: Artikulli i z.Mustafë Mehmetit është shkruar enkas për portalin e njohur gjerman nex24.com. Në Shqip është përkthyer ekskluzivisht nga foldrejt.com.
