SHBA ka votuar në zgjedhjes e së martës dy vjet pas marrjes së presidencës nga Donald Trump. Nga këto votime janë zgjedhur 435 përfaqësuesit e Dhomës së Përfaqësuesve dhe 35 persona të ri në Senatë si dhe 39 guvernatorë në 36 shtete dhe tre territore të SHBA, shkruan foldrejt.com.
Partia e Trumpit, Republikanët, kanë humbur shumicën në Dhomën e Përfaqësuesve, por mban shumicën akoma në Senat.
Kryetarja e pakicës në Dhomën e Përfaqësuesve, Nancy Pelosi, në krah të figurave të tjera me peshë, doli para mbështetësve demokratë, duke thënë se është një ditë e re për Amerikën.
“Urime të gjithë atyre kandidatëve të jashtëzakonshëm, dinamikë, të larmishëm që e rimorën kontrollin e Dhomës së Përfaqësuesve në emër të popullit amerikan”, tha ajo.
Megjithëse demokratët fituan në disa gara kyçe të martën, ata nuk realizuan atë që po quhej “valë blu” fitoresh në zgjedhjet e Kongresit dhe që analistët kishin thënë se do të kishte qenë një kundërshtim ndaj presidencës së presidentit Donald Trump.
Mbajtja e kontrollit të Senatit nga republikanët u duk thuajse i padiskutueshëm kur demokratët humbën gara kyçe në Indiana dhe Tenesi, dy shtete që Presidenti Trump i fitoi lehtësisht në vitin 2016.
Megjithatë, demokrati nga Virxhinia Perëndimore, Joe Manchin arriti ta mbante vendin e tij në senat dhe fitoi ndaj republikanit, Patrick Morrisey, prokurori i përgjithshën i këtij shteti. Parashikimet për kontrollin e Dhomës së Përfaqësuesve dhe Senatit, vijnë ndërsa qendrat e votimit po mbyllen në gjithë vendin.
Demokratët siguruan fitoren e parë të rëndësishme në Virxhinia, në rrethinat e Uashingtonit, ku Jennifer ëexton, një prokurore dhe senatore e legjislaturës së shtetit, fitoi ndaj anëtares aktuale të Dhomës së Përfaqësuesve, Barbara Comstock.
Me humbjen e zonjës Comstock, një tjetër fitore demokrate në Florida, dy të tjera në Pensilani dhe dy në Kolorado, si edhe disa në shtete të tjera, demokratët arritën të marrin shumicën e Dhomës së Përfaqësuesve.
Demokratja Donna Shalala, ish-sekretare e Shëndetësisë dhe Shërbimeve Sociale fitoi ndaj republikanes, Maria Elvira Salazar për një vend që mbahej nga anëtarja veterane republikane e Kongresit, Ileana Ros-Lehtinen nga Florida.
Një numër rekord prej 237 grash kandiduan për Dhomën e Përfaqësuesve dhe 23 në garat për senatin në gjithë vendin, përfshirë 185 Demokratë dhe 52 republikanë.
Fitoret e tyre kanë gjasa ta konsolidojnë përqindjen e grave në Kongres, duke kaluar shifrën 20 për qind për herë të parë.
Kur jemi te gratë, tashmë është zyrtare se Dhoma e Përfaqësuesve do ketë përherë të parë në histori dy gra muslimane: amerikano-palestinezia Rashida Tlaib dhe amerikano-somalezia Ilhan Omar.
“E përgëzoj për fitoren motrën time Tlaib. Mezi pres të shërbej me ju – inshallah,” shkruajti somalezja Omar.
Këto zgjedhje shiheshin si një referendum kundrejt Trumpit.
