Pas zgjedhjeve për Kongres dhe Senat, pyetja që lind natyrshëm në SHBA është: kush do konkurrojë për president i ardhshëm i SHBA?
Kështu ndodhi gjatë promovimit të librit “Becoming” të Michelle Obama, kur pyet nëse do dëshironte të bëheshte presidente ose jo? Ajo qeshi me të qeshurën e saj tipike dhe u përgjigj po me humor: “Jo, jo, jo”, i tha rrjetit televiziv ABC. Por: “Unë mund ta propozojë vajzën time Sasha. Hej Sasha, ke ti kohë?”
Pas fitores së ngushtë të demokratëve në zgjedhjet ‘Midterm’ ata kanë marrë kurajo për zgjedhjet presidenciale në 2020. Megjithatë, ata nuk kanë akoma një ide sesi të largojnë Donald Trump nga Shtëpia e Bardhë, informon foldrejt.com.
Pyetje që kanë mbetur pa përgjigje:
1. Kush është koka që mund të mposhte Trumpin?
2. Sa familjar dhe i afërt është ai?
3. A duhet të shfrytëzojnë demokratët Kongresin për të kritikuar ashpër Trumpin?
4. Ose, a do ishte më mirë që të përpiloheshin ligje konkrete për njerëzit?
Te pyetja e parë “Der Spiegel” ka analizuar disa nga kokat që mund të mposhtnin Trumpin, ku foldrejt.com ua përkthen ekskluzivisht në gjuhën shqipe:
Lemeria e Trumpit – Ish zv.presidenti Joe Biden dhe Berni Sanders
Thuajse të gjitha anketat flasin për një dominim të Biden sa i takon mbështetjes mes kandidatëve demokratë. Në anketën aktuale të kryer prej Politico dhe Morning Consult ai qëndron përpara 26 dhe 19 pikë më përpara sesa i majti Bernie Sanders respektivisht.
Biden është person që mund të thith vota edhe nga kampi republikan, gjë mjaft e rëndësishme për “Swing States” si Ohio ose Florida. E vetmja mangësi e tij është se gjatë 2020 do jetë 77 vjeçar. Ngjashëm vlen edhe për Berni Sanders që do arrinte 79 vjeç. Këshilltarët e Sanders flasin se vjetët janë një temë.
Biden është katolik, ndërsa Sanders hebrej. Ky i fundit njihet për politika sociale dhe mund të rrëmbente votat e të gjithë personave që mendojnë se duhet ndryshime në shëndetësi dhe ndihmat sociale.
Sa u takon shqiptarëve, të dy janë mbështetës të flaktë të pavarësisë së Kosovës dhe kanë mbështetur pa ekuivoke ndërhyrjen mbi ish Jugosllavinë. Në disa raste Biden shprehet “Kosova” (jo Kosovo), kurse Sanders bënte presione të fuqishme në Senat gjatë 1999 që të ndërhyhet sa më parë ushtarakisht për të ndihmuar popullin e Kosovës.
Top-juristja – Kamala Harris
Senatorja 54 vjeçare vjen nga Kalifornia dhe është ndër juristet më të spikatura. Ajo gëzon mbështetje te personat e ri, gratë e arsimuara – veçanërisht të afro-amerikanëve dhe latinëve. Poashtu ajo mund të thith fonde të majme nga firmat më në zë amerikane që kanë qendrën në Kaliforni.
E besueshmja – Amy Klobuchar
Senatorja nga Minnesota është një mundësi e mirë për demokratët, pasi vjen nga një shtet qendror i SHBA, pikërisht aty ku duhet të piketojnë demokratët kundër republikanëve të Trump.
Por gjithashtu, ajo mund të kishte probleme me shtetet oqeanike. Arma e saj e fortë është qetësia. Shumë amerikanë kërkojnë më tepër qetësi dhe besueshmëri.
E majta – Elizabeth Warren
Senatorja Warren me politikat e saj të majta mund të zotëronte votat e grave, por është pikëpyetje sesa mund të ndikonte te burrat konservatorë – të cilët më shumë rrahin nga Trump. Këtu, ajo si Clinton ka armiq të mëdhenj. Trump njëherë e kritikoi se ajo ka “zbuluar” se ka prejardhje indiane, duke e emërtuar “Pocahontas”.
Shpëtimtari i demokratëve – Beto O’Rourke
Shumë demokratë e vlerësojnë Beto O’Rourke përkundër humbjes kundër Ted Cruz në Teksas. Kjo pasi humbja e tij erdhi vetëm me tre përqind, në një vend konservativ që çdoherë kanë fituar republikanët. Kjo ishte një sensacion. Në anketat brendapartiake ai është i treti pas Biden dhe Sanders.
Ai vlen si autentik dhe i pakonsumuar. Në rast se demokratët do fitonin Teksasin, atëherë fitorja do dukej e pakontestueshme.
E palodhura – Hillary Clinton
Siç patët mundësi të lexoni edhe në foldrejt.com, një kandidaturë e re është edhe mikja e madhe e shqiptarëve Hillary Clinton. Ajo e bëri këtë të ditur përmes të besueshmit të saj Mark Penn në “Washington Post”. Por nëse Clinton vërtet do ia dalë përsëri kundër Trump mbetet e dyshimtë. Ajo sëpari duhet të krijojë besimin te shumica e re në Kongres.
Deputeti njujorkez Josh Gottheimer u shpreh se nëse “demokratët tërhiqen gjithmonë drejt të majtës dhe të bllokojnë gjithçka, atëherë do humbin zgjedhjet e 2020.”/Foldrejt.com
