Parlamenti i Maqedonisë të hënën ka nisur të debatojë amandamentet kushtetuese që janë pjesë e marrëveshjes me fqinjin, Greqinë për të riemëruar shtetin “Maqedonia Veriore”, ndryshime të cilat kërkojnë një rrugë të gjatë për të siguruar anëtarësimin e vendit në NATO, shkruan “Associated Press”.
Koalicioni i majtë i kryeministrit Zoran Zaev po përpiqet të marrë dy të tretat e 120 deputetëve të parlamentit për të nisur proçesin e ndryshimit, i cili do të duhet javë për t’u përfunduar, përcjell foldrejt.com.
Duke iu drejtuar deputetëve, Zaev tha që marrëveshja është një mundësi shumë e mirë që Maqedonia nuk duhet ta humb, pasiqë kjo do të çonte në menjanimin e kundërshtimeve të Greqisë ndaj vendit për tu bashkuar në NATO dhe fillimin e bisedimeve të pranimit në Bashkimin Evropian.
“ Marrëveshje më e mirë nuk mund të arrihet” tha ai. “Zgjedhja është mes të ardhmes dhe izolimit. Zgjedhja është nese do sjellim Maqedoninë në NATO dhe Bashkimin Evropoian”.
Zaev ka vendosur ardhmërinë e tij politike në shtyrjen e marrëveshjes, e cila do ti jepte fund marrëveshjes 27 vjeçare me Greqinë. Ai ka thënë se do të bëjë thirrje për zgjedhje të parakohshme, nëse ndryshimet e propozuara do të refuzohen.
Qeveria e tij nuk mund të ndryshojë Kushtetutën pa përkrahjen e partive opozitare, të cilat për momentin janë kundër amandamenteve. Përveç ndryshimit të emrit, këta përfshijnë edhe modifikimin e preambulës së Kushtetutës dhe dy neneve.
Partia konservatore VMRO-DPMNE, thotë që maqedonasit nuk e miratuan ndryshimin e emrit në referendumin e muajit të kaluar që u shpall i pavlefshëm për shkak të pjesëmarrjes së ulët. Megjithatë, ata që votuan, përqindja më e madhe ishin përkrahës të ndryshimit.
Deputeti i VMRO-DPMNE Ilija Dimovski, këmbënguli të hënën që marrëveshja me Greqinë ishte e “vdekur”.
“Asnjë deputet nuk u kishte premtuar votuesve që emri kushtetues i Maqedonisë do të ndryshohej”, tha ai. “Ne nuk kemi marrur pëlqimin e votuesve për të nisur këtë procedurë.”
Nëse miratohen ndryshimet kushtetuese, marrëveshja do të duhet të ratifikohet nga parlamenti i Greqisë. Kjo mund të rrëzojë koalicionin qeverisës në Athinë, pasiqë partneri qeveritar më i ri i kryeministrit Alexis Tsipras, krahu i djathtë Grekët e Pavarur, fuqimisht kundërshtojnë marrëveshjen duke thënë se ajo i pranon Maqedonisë më tepër të drejta se sa duhet.
Greqia mban qëndrimin që emri i tanishëm i Maqedonisë nënkupton pretendime në territorin e saj të afërt dhe në trashëgiminë e lashtë greke.
Lideri i Grekëve të Pavarur Panos Kammenos, të hënën këmbënguli që deputetët e tij nuk do të votojnë marrëveshjen dhe do të lëshojnë koalicionin me Tsipras nëse marrëveshja do të diskutohet në parlament.
Pa Grekët e Pavarur Tsipras nuk do të kishte shumicën parlamentare.
