Deputeti i LDK, Fetah Rudi, nuk mund të dalë i vetëm nga vetura. Ai është plagosuar gjatë një udhëtimi, ku në drejtim të tij janë gjuajtur 14 plumba. Prej atëherë ai ka mbetur invalid.
“Ku është LDK, aty jam edhe unë,” thotë Rudi, duke ju kundërpërgjigjur kërcënimeve të dikurshme nga disa pjesëtarë të PDK-së. Ai ishte pjesë e presidiumit të Ibrahim Rugovës, që njihet edhe si “Babai i Pavarësisë” së Kosovës dhe themeluesit të LDK. Ata ishin për një pavarësi pa dhunë, kurse ndryshe mendonin të rinjtë e UÇK, që më pas themeluan PDK-në.
Pikërisht për këtë tematikë, të problemeve të para mes LDK-së dhe PDK-së, rreth frymës rugoviane dhe uçëkë-iste, ka shkruar edhe media e njohur zvicerane NZZ.
Kur flet sot Rudi, për dy personat që e kanë qëlluar me 14 plumba, ai është i drejtpërdrejtë dhe i bindur: pas sulmit ka qëndruar SHIK-u.
SHIK-u akuzohet për rreth 200 vrasje të kundërshtarëve politik. Shumica e këtyrë vrasjeve kanë mbetur të pazbardhura, por me arrestimin e figurave kyqe të SHIK-ut nga Gjykata Speciale në Haagë, ata tashmë mund të zbardhen, mendon media zvicerane NZZ.
Por Fetah Rudi kundërshton të hedh dyshime për UÇK-në.
“Nuk gjykohet në Hagë UÇK-ja dhe as lufta jonë për liri,” thotë ai, përcjell foldrejt.com. Jane individë që janë akuzuar.
Kjo është shpresa jonë e fundit për drejtësi, vijon më tej deputeti i LDK. Ai nuk ngurron të thotë se do flasë si dëshmitar, në rast se ftohet nga Gjykata Speciale.
“Ne do të fitojmë lirinë e plotë, vetëm nëse dënohen personat të cilët tash qëndrojnë në Haagë,” e përmbyll deklaratën Rudi./Foldrejt.com
