Deputeti i PDK-së, Ferat Shala, ka reaguar ndaj deklaratës së ministrit të Financave, Hekuran Murati, i cili tha se opozita po synon ta shkatërrojë sistemin pensional.
Duke ia adresuar një sërë kritikash për ardhjen në pushtet me populizëm, Shala ia përmendi ministrit Murati 100 milionë eurot për subvencionimin e energjisë elektrike në veri.
“Më thuj ministër, 12 vjet qeveritë e kaluara kanë subvencionuar pjesën veri me 78 milionë euro, sa ke dhanë ti vetëm vitin e kalum, sa ke planfiku këtë vit, ku janë këto mjete, bane barazimin dhe dil në foltore tregoju shifra saktë.”, ka thënë Shala.
Tutje, ai ka thënë se nuk po kërkojnë ta shkatërrojnë sistemin, mirëpo po kërkojnë barazi për qytetarët, me ç’rast Shala kërkoi nga ministri Murati që t’u japë edhe qytetarëve në jug sa po ju jep atyre në veri.
“Nuk po kërkojmë me e shkatërru sistemin, po kërkojmë barazi qytetare. Qytetarë janë edhe këta të jugut, jepu edhe atyre sa po jep në pjesën veri. Ato mjete që ki me i nda në këtë vit për pjesën veri, kthejau këtyre në jug dhe nuk kanë nevojë njerëzit me e tërhjekë trustin.”, ka thënë Ferati./FolDrejt/