Analisti gjerman Walter Mayr ka shkruar një shkrim tendencioz për Kosovën duke e kundërshtuar vendimin e kuvendit të saj për të themeluar ushtrinë, informon foldrejt.com. Ai këto komente i ka bërë për magazinën gjermane “Der Spiegel”, e cila edhe në të kaluarën ka ditur të shkruaje më ankesa për vendin e Kosovës.
“Më mbështetje perëndimore kërkon që ky vend të foromojë ushtrinë – një hap i rrezikshëm,” është fillimi i artikullit të Mayr, i cili e ka titulluar «Kosova nën armë».
Më tej artikulli i gjermanes “Der Spiegel” kujton që vendi nuk është i njohur nga 89 shtete, mes tyre edhe Rumania, Greqia dhe Spanja, kurse paralajmërime kundërshtuese për ushtrinë Kosova ka marrë edhe nga sekretari gjeneral i NATO, Jens Stoltenberg .
Gazetari kontravers gjerman poashtu përmend edhe rezolutën 1244, ku Kosovën e paraqet akoma si pjesë të Serbisë.
Më tej prestigjiozja gjermane shkruan edhe për një raport të Shërbimit Sekret Gjerman (BND), ku Ramush Haradinaj është pjesë e rrjetit të një klani të tregtarëve të armëve dhe drogës.
«Megjithatë, qeveritarët e Kosovës gëzojnë edhe më tutje mbështetjen europiane dhe simpatinë e kancelares gjermane. Por, tendenca e Angela Merkelit që nën hijen e SHBA-ve të përdorë kartën kosovare, është delikate. Më 17 janar presidenti rus Vladimir Putin dëshiron të udhëtojë në Beograd – ky është takimi i tretë me presidentin e Serbisë Aleksandar Vuçiq brenda tetë muajve. Ndërkohë Beogradi e konsideron intervenimin ushtarak si një nga ‘opsionet e mundshme’. Ky do të duhej të ishte paralajmërim për lobistët e Kosovës në Uashington dhe Berlin: në Ballkan edhe ndërhyrjet më të vogla mund të shkaktojnë shumë dëme».
Poashtu “Der Spiegel” shkruan se ushtria e Kosovës mbështetet dhe krijohet me ndihmën e SHBA-së dhe presidentit të saj Donald Trump.
Në ditën e pavarësisë së Kosovës 17 shkurt 2008, “Der Spiegel” do shkruantë një artikull të ngjashëm ku me demek kritikonte perëndimorët të cilët liderët e Kosovës i kthyen nga “ekstremistë në luftëtarë për liri”./Foldrejt.com
