Sot, e premte, 1001 delegatë të partisë më të madhe gjermane CDU, zgjodhën në krye të saj një grua tjetër dhe që njihet e afërt me politikat e kancelares Angela Merkel. Jo më kot magazina më e madhe europiane “Der Spiegel” ia vendosi titullin “Dinastia Merkel”, kurse kulturorja gjermane “Die Zeit” e vendosi titullin anglisht “Don’t mess with Merkel”.
Kush është Annegret Kramp-Karrenbauer?
Annegret Kramp-Karrenbauer (56) ishte kandidatja e preferuar e Merkelit, prej para se të tërhiqej Merkel, edhepse kjo e fundit nuk e ka shprehur hapur. 56 vjeçarja ka kryer karrierën në Saarland, ku ka shërbyer si ministre për 12 vjet. Studimet i ka mbaruar në shkencat politike. Në 2018 lë vendlindjen dhe zhvendoset në Berlin, ku përgatitet në postin e pasardhëses së kancelares.
Kramp-Karrenbauer është mbështetëse e trashëgimisë liberale të Merkelit. Ajo vetë është pasqyrë e një familje moderne: burri i saj rriti tre fëmijët, kur ajo kryente karrierën.
56 vjeçarja ka qenë pro shërbimit njëvjeçar të ushtrisë, ka qenë skeptike për martesat e të njëjtit seks dhe së fundi ka vendosur në pikëpyetje dyshtetësinë për turqit. Në politikën e refugjatëve ka mbështetur hapur Merkelin, shkruan foldrejt.com.
Jashta politikës Kramp-Karrenbauer ka marrë pjesë shpesh në karnavale.
Për shkak se dy kandidatët tjerë ishin të ndryshëm ndaj politikave që kishte ndjekur Merkel, duke e kritikuar shpesh edhe hapur për shumë çështje, rrezikohej që me përzgjedhjen e njërit prej tyre të përfundonte më para karriera politike e Merkelit dhe poashtu të ndryshonte politika gjermane karshi Ballkanit.
Në kohën kur Hungaria, Austria, Franca, një pjesë e administratës amerikane ishin pro ndarjes së Kosovës, ishte pikërisht Angela Merkel që i dha dritën e kuqe këtij projekti famëkeq, do shkruante austriakja “Der Standard”. Pasardhësja e saj, AKK, do ndjek po të njëjtën politikë, jo vetëm kundrejt Ballkanit, por edhe ndaj BE-së./Foldrejt.com
