Më 8 Mars 2025, hoxha i njohur Dr. Shefqet Krasniqi ka organizuar një iftar të madh, ku njëkohësisht ka promovuar librin e tij të ri: “Historitë e Pejgamberëve në Kur’an”. Ngjarja ka mbledhur mbi 520 pjesëmarrës, përshirë hoxhallarë të njohur, politikanë, akademikë, aktorë, dhe figura me ndikim nga Kosova, trojet shqiptare dhe diaspora.
Dr. Krasniqi u shpreh mirënjohës për të gjithë të pranishmit dhe theksoi se rrëfimet e pejgamberëve janë burim i pashtershëm frymëzimi për të gjitha brezat:
“Falënderimi dhe lavdia i takojnë vetëm Allahut, i Cili më mundësoi të përfundoj dhe të promovoj librin tim më të ri.”, ka thënë ai ndër të tjera.
Panelistët e nderuar, Dr. Rasim Haxha dhe Dr. Blerim Veliu, pasuruan ngjarjen me analizat dhe komentet e tyre të vlefshme mbi librin.
Kjo ngjarje e madhe dëshmoi edhe një herë se interesi për librat me përmbajtje fetare dhe edukative vazhdojnë të jetë i madh në shoqërinë shqiptare. /FolDrejt/
