Është e vetëkuptueshme që të gjitha shtetet paralajmërojnë “ligje të barabarta për të gjithë shtetasit e saj”, megjithatë praktika flet ndryshe edhe në shtetet më të zhvilluara. Studimet e fundit, si ajo e britanikes ECONOMIST, tregojnë që edhe në megaqytetet kozmopolite diskriminimi kundrejt minoriteteve është evident.
Në Kinë, ujgurët muslimanë e kanë katërherë më të vështirë për punë sesa kinezët, kurse huis-ët, që janë muslimanë por kulturalisht më të afërt me kinezët, duhet të aplikojnë dyherë më shumë sesa kinezët.
Kjo statistikë vështirësohet edhe më shumë kur vjen fjala te personat e kualifikuar. Fjala vjen, për të gjetur një punë një ujgur i arsimuar e ka gjashtë herë më të vështirë sesa një kinez i arsimuar.
Edhe tibetianët e kanë më të vështirë për punë në Kinë, por jo aq sa ujgurët (shih infografikun). Në Kinë më të lehtë për punësim e kanë mongolët, informon foldrejt.com.
Në anën tjetër, të diskriminuar shfaqen edhe afrikanoveriorët dhe banorët e Lindjes së Mesme (lexo:muslimanët) në Francë (dyherë më shumë sesa francezët e ‘pastër’). Në Britani më të diskriminuar shfaqen ndaj aziatikëve sesa ndaj zezakëve, kurse në SHBA më të diskriminuar janë zezakët sesa latino-amerikanët.
Me këtë studim, mund të thuhet bindshëm se ujgurët janë minoriteti më i diskriminuar në botë, kurse në Europë më të diskriminuar shfaqen ndaj muslimanëve sesa ndaj zezakëve./Foldrejt.com
