Në Rostock Edi Rama ka hapur ekspoziturën me pikturat dhe skulpturat e tij. Në një intervistë për prestigjiozen zvicerane “NZZ” ai ka deklaruar se si arti dhe arkitektura po e ndryshojnë vendin e tij.
Pavarësisht se është shkolluar në një sistem diktatorial, në pyetjen e gazetares së “NZZ”, Rama thotë se “atëkohë sistemi arsimor ishte shumë profesional, si në shkollë ashtu edhe në akademi, e cila bazohej në modelin sovjetik. Kjo tregon se atëkohë mësohej arti figurativ, realizmi socialist. Historia e artit në Shqipërinë e shekullit 20 përfundohej me Gustave Courbet, gjithçka tjetër ishte e ndaluar për ne.”
Arti abstrakt ishte i ndaluar. Impresionizmi ose Kasimir Maleviç ishin të cenzuruar. Nëse ndokujt i gjendeshin librat e ndaluar, atëherë ai mund të arrestohej. Disa qarkullonin fshehtas, ku unë u besoja veprave të Paul Klee.
“Unë kam parë që e bukura në fakt mund të zgjidh probleme dhe ndihmon njerëzit, komunitetet dhe qytetet për të menduar ndryshe për veten. Bukuria mund të fundos kriminalitetin dhe anarkinë, si dhe të ndërmjetësojë në krenari, identitet dhe përkatësi. Në Tiranë ne e sollëm këtë efekt magjik,” thotë Rama, përcjell foldrejt.com.
Intervista nuk kalon pa u përmendur edhe Zvicra, veçanërisht kur flitet për arkitekturën.
“Zvicra ka arkitektët më të mirë dhe më mbresëlëns. Valerio Olgiati është një gjeni, i cili në Tiranë ka realizuar objekte të mrekullueshme dhe unë shpresoj që ai të kthehet përsëri në Tiranë,” tha Edi Rama.
Duam diçka që nuk e kemi
“Unë mendoj, se ne gjithmonë duam atë që nuk e kemi, dhe ne kemi gjithmonë atë, çfarë ne nuk e duam. Në Zvicër mund të vritet ndokush sepse diçka nuk shkon keq, sepse nuk ka sfidë. Në Shqipëri vritet, sepse gjithçka shkon keq,” thotë Rama.
Skulpturat dhe pikturat e Edi Ramës në Rostock kanë marrë jehonë nëpër mediat gjermane, ku ju keni pasur mundësi ti lexoni edhe në foldrejt.com. Së fundi ekspozitën e Ramës e kanë vizituar edhe figura publike si ish kryeministri i landit gjerman Mecklenburg-Vorpommern./Foldrejt.com
