Blerina Reçica – studente e shkencave politike në UBT, Prishtinë
Përveç se është një krizë e shëndetit publik, COVID-19 ka shkaktuar kriza edhe në fusha të tjera të jetës si: ekonomi, politikë, siguri, etj. Pasojat në këto fusha të jetës ndoshta do të jenë më të gjata se ato në shëndetësi. Sa I përket politikës, COVID-19 ka filluar të ketë disa pasoja të cilat priten të jenë afatgjate.
Njëra ndër pasojat ka të bëjë me rritjen/zvogëlimin e përkrahjes ndaj liderëve politik. Strategjitë dhe implementimi i tyre për menaxhimin e pandemisë janë faktorët kyç në këtë çështje. Suksesi i tyre në këtë periudhë mund të ndikojë në nivelin e besimit të qytetarëve ndaj të përzgjedhurve të tyre. Psh Ligji për Rimëkëmbje Ekonomike nuk është votuar akoma dhe kjo ka shkaktuar pakënaqësi tek qytetarët si dhe e ka rritur mosbesimin ndaj deputetëve. Një tjetër shembull është rasti i ish-ministrit të shëndetësisë Arben Vitia. Për shkak të strategjive të tij të suksesshme, populli ka shfaqur më shumë përkrakrahje ndaj tij sesa ndaj ministrit të tanishëm. Respektimi i rregullave nga ana e liderëve, që janë vendosur si masa parandaluese ndaj COVID-19, është një tjetër variabël që ndikon në besimin të qytetarëve. Shpesh herë në media kemi parë që shumë lider politik apo zyrtarë të qeverisë nuk i respektojnë këto masa, dhe kjo ka shkaktuar një lloj apatie ndaj këtyre personave.
Pasoja tjetër ka të bëjë me zvogëlimi e fondeve publike për partitë. Duke qenë se COVID-19 ka ndikuar që buxheti i shtetit per vitin 2021 të zvogëlohet, rrjedhimisht edhe financimi i Qeverisë ndaj partive është zvogëluar. Kjo do të thotë se partitë do të kenë më pak para për të shpenzuar gjatë fushatave të tyre elektorale dhe aktiviteteve të tjera. Nëse zvogëlohet numri i fushatave, kjo do të thotë qe reduktohet edhe numri i personave që punojnë në ato fushata. Përveq kësaj, shkurtimi i fondeve buxhetore mund të shkaktoj edhe pakënaqësi mes partive pozitë-opozitë duke u polarizuar akoma më shumë skena politike në Kosovë.
Pasoja e tretë është rritja e korrupsionit mes partive dhe donatoreve. Kjo pasojë lidhet me atë parapraken. Meqenëse fondet nga Qeveria duhet të zvogëlohen, partitë duhet të gjejnë alternativa të tjera për buxhetin e tyre. Këty hyjnë në funksion donacionet nga kompanitë private. Kjo pastaj mund të rezultojë në konflikte interesi, rritje të korrupisionit, ulje të transparencës dhe përgjegjësisë ndaj qytetarëve ndaj qytetarëve.
