Pasi Banka Amerikane e Silicon Valley (SVB) shpalli falimentimin javën e kaluar në një mënyrë jashtëzakonisht të papritur, një tjetër bankë mund të ndjekë hapat e saj, shkruan Klix, përcjell Fol Drejt.
Bëhet fjalë për bankën e famshme Vicar Credit Suisse. Të paktën kështu pretendon eksperti financiar i Wall Street, Robert Kiyosaki.
Eksperti japonez është i njohur për publikun për parashikimin e kolapsit të bankës amerikane Lehman Brothers në vitin 2008.
Ai bëri parashikimin e tij të fundit vetëm disa orë përpara se banka zvicerane të pranonte se po përjetonte “vështirësi financiare”.
Sa për kujtesë, javën e kaluar rregullatorët amerikanë mbyllën Silicon Valley Bank (SVB) dhe konfiskuan të gjitha depozitat e saj, që është kolapsi më i madh i një banke në ShBA që nga kriza financiare e vitit 2008.
Duke folur në emisionin “Cavuto: Coast to Coast”, në kanalin e biznesit të Fox, Kiyosaki theksoi:
“Problemet aktuale dhe dështimi në tregun e obligacioneve tregojnë se Credit Suisse mund të dështojë, sepse kemi pasur një situatë të ngjashme me Lehman Brothers. Rregullatorët e Credit Suisse kanë vërejtur probleme financiare gjatë kontrollit të brendshëm të pasqyrave financiare, por ata besojnë se situata e krijuar rishtazi nuk do të ndikojnë që klientët të largohen nga banka”, Kiyosaki.
Sipas tij, aksionet e asaj banke ranë me 5 për qind në fillimin e tregtimit, pasi banka publikoi raportin e saj vjetor financiar në të cilin zbuloi një humbje prej 8 miliardë dollarësh në vitin 2022.
Credit Suisse është sistemi i tetë më i madh bankar investues në botë, dhe në raport fajësoi “dobësitë” në “dështimin për të monitoruar dhe mbajtur një ndryshim efikas në vlerësimin e rrezikut për të identifikuar dhe analizuar rreziqet me rëndësi materiale”. /FolDrejt/
