Për dy dekada me radhë, presidenti Vladimir Putin ka pasur misionin për ta bërë Rusinë superfuqi. Gjithë ky mision lidhet pas dështimit të madh të kolapsit të BRSS dhe humbjes së statusit si superfuqi të rusëve.
Në gjeopolitikë, Kosova e vogël ka luajtur rol special në politikën e influencës ruse. Putini kundërshtoi ndërhyrjen e NATO në 199 dhe shpalljen e njëanshme të pavarësisë së Kosovës në 2008. Kjo pasi Rusia e pa në rrezik sferën tradicionale të ndikimit mbi popujt e Ballkanit, shkruan eksperti perëndimor Dimitar Bechev për “Al Jaazera”, përcjell foldrejt.com.
Por në vitet e fundit SHBA dhe BE kanë ‘dështuar’ të zgjidhin kontestin mes Serbisë dhe Kosovës, kurse Rusia si mbështetësja kryesore e Beogradit mundohet të luan rolin e ndërmjetësit.
Me këtë pretekst Putini takoi presidentin e Kosovës, Hashim Thaçi gjatë Forumit të Paqes në Paris në fillim të nëntorit, ku të dy folën në gjuhën gjermane, të cilën e zotërojnë të dy rrjedhshëm.
Thaçi pas takimit tha se presidenti rus do mbështesë një zgjedhje afatgjate që do arrihet mes Beogradit dhe Prishtinës, kurse Putini ka mbështetur administratën Trump dhe disa figura të larta të BE dhe shefes së politikës së jashtme Federica Mogherini, të cilët janë për shkëmbimin e territoreve të propozuar nga Thaçi dhe Aleksandër Vucic.
Serbia kërkon me çdo kusht të arrijë marrëveshje afatgjate me Kosovën, pasi është kushti kryesor për anëtarësimin në BE.
SHBA, në anën tjetër, është e përfshirë vetëm me gjysmat e forcës. Pavarësisht se administrata Trump ka lobuar te top politikanët europianë që të mbështesin ndarjen e Kosovës, si te kancelarja gjermane Angela Merkel, përsëri administrata Trump nuk po jep mesazh të qartë dhe të fuqishëm.
Megjithatë, Putini pa lëshuar miliarda dollarë ndihma për Kosovën dhe pa stacionuar ushtarë, po kthehet në figurën kryesore të sigurisë europiane. Një mundësi tjetër që mund të mbështetej nga Rusia është edhe krijimi i asocacionit të komunave serbe në Kosovë, që nga shqiptarët shihet si “Kali i Trojës” për ta kthyer Kosovën në një Bosnjë të dytë.
Hapi i parë në këtë drejtim duhet të jetë që të sigurohet që Thaçi dhe Vucic, të mos zihen duke luajtur lojërat e tyre patriotike./Foldrejt.com
