Xherdan Shaqiri ka rritur vlerën e tij nga 14.5 në 53.2 milion euro në tregun e transferimeve futbollistike, shkruan foldrejt.com. Kjo vjen si pasojë e paraqitjeve të mira me Liverpulin, që ndodhet edhe në vendin e parë të Premiere League.
Lajmi është konfirmuar edhe nga Observatoriumi i Qendrës Ndërkombëtare të Studimeve Sportive (CIES). Për të mos mbaruar këtu, edhe vlera e lojtarit Granit Xhaka është tepër e lartë me 62.9 milion euro.
Vlerë të madhe por jo për tu habitur ka edhe Kylian Mbappé, i cili poashtu e ka rritur vlerën nga 192.5 në 218.5 milion euro. Vlerë më të ulët dhe rënie ka shënuar kolegu i tij Neymar nga 213 në 197,1 milion euro. Christiano Ronaldo përkundër moshës ka arritur të ngrejë vlerën e tij nga 80,4 në 127,2 milion euro.
Sa u takon lojtarëve tjerë të shqiptarëve në Zvicër, rritje ka shënuar edhe Florent Hadergjonaj (Huddersfield): Nga 6,4 në 9,4 milion euro.
Rënie të vlerës, kjo për shkak edhe të moshës kanë shënuar Admir Mehmedi (Wolfsburg) nga 5,3 në 4,5 milion euro, Blerim Xhemaili (Bologna) nga 4 në 2,7 milion euro, Valon Behrami (Udinese) nga 2,1 në 1,5 milion euro./Foldrejt.com
