Ministri i jashtëm i Emirateve të Bashkuara Arabe, Anvar Gargash, ka habitur në një intervistë për konservatoren gjermane Die Welt, ku ka mbështetur presidentin francez Emannuel Macron, kur ai thotë që muslimanët e perëndimit duhet të “integrohen”, si dhe të mos formojnë shoqëri paralele, informon foldrejt.com.
“Muslimanët duhet të dëgjojnë me kujdes çfarë thotë Macron. Ai nuk dëshiron izolimin e muslimanëve në Perëndim, dhe ai ka plotësisht të drejtë,” tha Gargash, përcjell foldrejt.com.
Më tutje Anvar ka kritikuar Turqinë, ku tërthorazi nënkuptohet pse del në mbrojtje të Francës. Ai shfaq hapur frikën e një Perandoria të re Osmane.
“Nëse ju (Erdogan) kërkoni të ndërtoni përsëri një Perandori, atëherë krijoheni. Por ama, jo te vendet tona,” tha ai duke theksuar se Turqia duhet të ndalojë ekspansionin e saj te arabët në Libi, Siri dhe Irak.
“Macron është ndër të vetmit europianë që po lufton ekspansionin e Erdoganit. Europa duhet të ketë një linjë kundër Turqisë,” tha Anvar, që duket si deklarata e grekëve të Qipros ose Mitsotakis./Foldrejt.com
