Presidenti turk Rexhep Tajip Erdogan ka thënë se urdhri për vrasjen e gazetarit Khashoggi erdhi nga nivelet më të larta të qeverisë saudite, por tha se ai nuk beson se mbreti Salman urdhëroi goditjen.
Në një artikull për opinione të Uashington Post, Erdogan tha se “ne duhet të zbulojmë identitetet e atyre që qëndrojnë pas vrasjes së Khashoggi, duke shtuar se Turqia ‘ka për lëvizur qiellin dhe tokën’ derisa ta sjellë të vërtetën në dritë”, shkruan “Aljazeera”.
“Ne jemi të tronditur dhe të trishtuar nga përpjekjet e disa zyrtarëve sauditë për të fshehur vrasjen me paramendim të Khashoggi, në vend që të shërbejnë shkakun e drejtësisë, siç e kërkon miqësia jonë”, tha ai.
Pas kritikës ndaj konsullit të Arabisë Saudite dhe prokurorit publik të Mbretërisë, i cili kohët e fundit u takua me zyrtarët turq, Erdogan adoptoi një ton më pajtues duke theksuar se Turqia dhe Arabia Saudite vazhdonin të gëzonin marrëdhënie miqësore dhe se ai nuk kishte arsye për të besuar se kjo vrasje reflektonte politikën zyrtare të Arabisë Saudite”.
Por Presidenti turk shprehu përsëri shqetësimin se Arabia Saudite ende nuk ka zbuluar se kush e urdhëroi vrasjen, së bashku me vendndodhjen e trupit të Khashoggi ose identitetin e bashkëpunëtorëve lokal, përcjell foldrejt.com.
“Disa duket se shpresojnë se kjo çështje do të largohet me kohë, por ne do të vazhdojmë t’i hapim këto çështje të cilat janë vendimtare për hetimin penal në Turqi, por edhe për familjen dhe të dashurit e Khashoggi”, tha Erdogan.
