Pavarësisht se Këshilli Komunal në Dibër në mënyrë të papritur votoi për mocion votëbesimi për kryetarin Eugjen Cami, një rast i veçantë dhe i pakuptueshëm për shumicën e qytetarëve dibranë, ai vijon të mbetet kryetar i përkohshëm konform rregullave dhe ligjit, informon foldrejt.com.
Këtë e ka njoftuar edhe vetë Cami në një njoftim publik për qytetarët e tij dibran.
“Me rastin e pranimit të akteve të Këshillit nga seanca e datës 17.01.2019,brenda afateve të parapara ligjore (ligj,statut,rregullore),si Ushtrues Detyre Kryetar i Komunës Dibër,me të drejtën që ma imponon ligji,do të bëj vlerësimin e tyre dhe po për të njejtat do të informohet Këshilli Komunal si dhe opinioni publik.
Të nderuar qytetarë,me këtë rast u bëj thirje që deri në zgjidhjen përfundimtare të kësaj çështje,mos bini pre e politikave ditore dhe dezinformatave dashakeqe, pasi u garantoj që ineresi i Dibrës dhe i qytetarëve të saj,do të jetë mbi të gjitha.
Ju siguroj që vendimi i cili do pasojë, do të jetë në perputhje të plotë me standardet dhe normat ligjore dhe i pavarur nga interesat e cilit do qoftë subjekti politik.
Duke pasur parasysh egzistencën e institucioneve kompetente dhe relevante, mendoj dhe besoj se po të njejtit,do të kenë qasje serioze për të dëshmuar funksionimin e shtetit të së drejtës, i cili do të largojë çdo dyshim për dilemat e paraqitura.
Së fundmi,shfrytëzoj rastin që të apeloj te të gjithë të punësuarit në administratën komunale dhe të organeve të tjera ,që të respektojnë dhe vazhdojnë punën normalisht dhe të jenë në lartësinë e detyrës,” shkruan Cami, Ushtrues Detyre Kryetar Komune-Dibër./Foldrejt.com
