Parlamenti i Mbretërisë së Hollandës votoi në 11 prill rikthimin e vizave për shtetasit e Shqipërisë. Lajmi është konfimuar edhe nga ish kryeministri Sali Berisha, i cili përgjegjës për këtë “dështim” e llogarit kryeministrin e tanishëm Edi Ramën, që ka krijuar një “narkoqeveri dhe narkoshtet”.
Me kërkesë të tre grupeve parlamentare konkretisht të Partise Kristian Demokrate, Partise Socialiste, dhe Partia e Lirise votoi dhe miratoi me shumice votash propozimin e këtyre grupeve per rivendosjen e vizave për shtetasit shqiptar për shkak te kriminalitetit dhe rritjes së emigracionit ilegal.
Por në fakt, a fshihet diçka tjetër pas këtij votimi të Hollandës?
Është e vërtetë se Shqipëria ka korrupcion dhe krim të organizuar, por të tilla shtete me plot korrupcion është edhe Bullgaria e Serbia, me plot emigrantë ilegalë është edhe Maqedonia Veriore, Bosnja dhe Serbia – atëherë pse këtë çmim e paguan vetëm Shqipëria?
Këtë hap të papreçedentë të parlamentit hollandez mund ta kuptojmë nëse lexojmë një shkrim të medias austriake “Der Standard”. Ajo në mes të shkurtit shkruante:
Partia opozitare PD “kundërshton edhe shumë projekte të qeverisë: si ajo e agjensisë ajrore: Air Albania në aeroportin e planifikuar të Vlorës – e cila po kryhet me ndihmë të investitorëve turk, përcjell foldrejt.com. Edhe ministri i jashtëm hollandez, Stef Blok, ka komentuar rreth projektit në fjalë – kur tha se Air Albania dhe aeroporti i Vlorës është kundër Marrëveshjes së Stabilizim Asocimit mes BE-së dhe Shqipërisë.
Është shumë skeptike nëse BE do hap negociatat me Shqipërinë në fund të qershorit, pasi Franca dhe Hollanda janë kategorikisht kundër çdo lloj zgjerimi. Ndryshe vlen për Maqedoninë Veriore, e cila pas zgjidhjes së kontestit të emrit me Greqinë, shumë kritikë tashmë janë pro hapjes së negociatave me Shkupin zyrtar.”
Pra vetë ministri i jashtëm hollandez Blok, ka bërë të qartë se pse “hakmerret” ndaj Shqipërisë. Vetë Blok është anëtar i Partisë së Lirisë, që ka nisur iniciativën për kthimin e regjimit të vizave për Shqipërinë./Foldrejt.com
