Shumë grupe vullnetarësh nga Shqipëria, Kosova, Maqedonia e Veriut dhe diaspora shqiptare, u janë përgjigjur thirrjeve të popullit turk për ndihmë.
Përveç pjesëtarëve të ushtrive shqiptare, këta vullnetarë janë duke e dhënë një kontribut të jashtëzakonshëm në shumë aspekte.
Sead Ramadani me origjinë nga Kumanova, për Fol Drejt, ka dërguar disa fotografi nga zona ku janë duke e ushtruar veprimtarinë.
“Shoqata Vllaznia”, pjesë e së cilës është ai, në bashkëveprim me “HHI-në” një shoqatë turke, po iu ofron të mbijetuarve ushqime falas.
Aktualisht numri i të vdekurve, sipas Al Jazera-s, ka shkuar mbi 43,000. Kërkimet në terren ende nuk kanë përfunduar, por për çdo orë të shpenzuar, po pakësohet edhe shpresa për të mbijetuarit e rinj./FolDrejt/
