I pari i kryeqytetit Përparim Rama gjatë fushatës zgjedhore, sipas Institutit GAP, i ka bërë mbi 200 premtime, shkruan Fol Drejt.
Sipas përditësimit të fundit të Institutit GAP që analizon punën e kryetarit deri në qershor të këtij viti, Rama gjithsej në fushatën elektorale të vitit 2021, i ka bërë 206 premtime, por sa prej tyre i ka realizuar deri më tani?
Po sipas GAP, Rama i ka realizuar 29 prej tyre, 22 i ka përmbushur përgjysmë, 70 i ka filluar ndërsa 85 kanë mbetur në letër, pra nuk i ka filluar fare.
“Themelimi i zyrës së analizave, e cila do të përdorë të dhëna për vendimmarrje”;
“Formimi i zyrës së veçantë për analizë, hartim dhe menaxhim të projekteve; nga aprovimi i buxhetit deri në fillimin e vitit fiscal”;
“Themelimi i një task forcë për të fuqizuar ndërlidhshmërinë e arsimit në Prishtinë me nevojat e tregut të punës” – janë vetëm disa prej premtimeve të përmbushura.
Në krahasim me paraardhësin e tij Shpend Ahmeti, i cili ka qenë i kursyer nga premtimet, ai ka bërë dyfish më shumë të tilla, ndërsa, ai nuk pat arritur t’i përmbushte as gjysmën prej tyre./FolDrejt/
