Përveç qytetit Clamart, ku u vendos shtetrrethim gjatë natës për shkak të ngjarjeve që shpërthyen pasi shoferi i ri i quajtur Nahel M. u vra nga policia, përveç qyteteve Neuilly-sur -Marne, Savigny-le-Temple dhe Compiegne, ka patur shtetrrethim në rrugë edhe gjatë natës, njofton AA, transmeton Fol Drejt.
Pas vdekjes së shoferit të ri të quajtur Nahel M., si pasojë e zjarrit të hapur nga policia, protestat e nisura në rrugë, vazhdojnë në të gjithë vendin veçanërisht në qytetet Nanterre, Marseille dhe Nosiy-le-Sec.
Protestuesit u përleshën me policinë në protestat e organizuara në kujtim të shoferit të ri. Forcat e sigurisë kanë ndërhyrë me gaz lotsjellës ndaj protestuesve të cilët dogjën automjetet duke hedhur slogane kundër policisë.
Shtetrrethim në 4 qytete
Sipas lajmeve në mediat franceze, u vendos shtetrrethim nga ora 23:00 deri më 06:00 deri më 3 korrik në tri lagje në qytetin Neuilly-sur-Marne dhe nga ora 22:00 deri në 05:00 deri më 2 korrik në qytetin e Savigny-le-Temple.
Në qytetin Compiegne do të vendoset shtetrrethimi për personat nën moshën 16-vjeç që nuk shoqërohen nga prindi, nga ora 10:00 deri në 06:00 deri më 3 korrik.
Ngjarja
Më 27 qershor, një oficer policie hapi zjarr ndaj një makine me 3 persona në qytetin Nanterre, e cila nuk iu bind paralajmërimit për ndalesë. Si pasojë mbeti i vrarë drejtuesi i makinës, 17-vjeçari Nahel M.
Pas vdekjes së të riut Nahel M, ngjarjet shpërthyen në qytete të ndryshme dhe në Clamart u shpall shtetrrethimi nga ora 21:00 deri në 06:00 deri më 3 korrik.