Të gjithë të paktën një herë në jetën e tyre kanë pasur probleme me gazrat. Është një dukuri e zakonshme pas një vakti, por ekspertët paralajmërojnë se duhet t’i kushtoni vëmendje zakoneve tuaja nëse ju ndodh shpesh.
“Fryrja e barkut ndodh për shkak të grumbullimit të gazrave në bark apo jashtëqitjes që grumbullohen në zorrën e trashë. Zbulimi i shkakut rrënjësor të akumulimit të gazit ose jashtëqitjes është çelësi për të luftuar fryrjen dhe ka disa arsye pse kjo mund të ndodhë”, shpjegoi dietologia May Simpkin për The Sun, përcjell Fol Drejt.
Ju hani shumë shpejt
Një kafshatë duhet të përtypet 10 deri në 20 herë para gëlltitjes, por njerëzit shpesh janë me nxitim, kështu që ata gëlltisin ushqimin e pa përtypur. Këtu lind një problem tjetër. Edhe personat që nuk kanë dhëmbë e gëlltisin ushqimin të papërtypur dhe dihet se procesi i tretjes së ushqimit fillon në zgavrën e gojës, me përtypjen e ushqimit.
“Përtypja e ndan ushqimin në copa më të vogla dhe pështyma ndihmon në zbërthimin e tij. “Kur përtypni një kafshatë mjaftueshëm, ushqimi arrin në stomak “i thyer” në copa më të vogla, ndërsa karbohidratet tashmë janë tretur pjesërisht”, shtoi Mej.
Merrni kohën tuaj dhe shijoni vaktin tuaj. Pushoni ndërmjet vakteve dhe uluni drejt.
Ju nuk pini mjaftueshëm ujë
E dimë që është e rëndësishme të konsumoni ujë të mjaftueshëm dhe mungesa e tij ndonjëherë shoqërohet me fryrje. Për shkak të lëngjeve të pamjaftueshme, jashtëqitja mund të ketë vështirësi në kalimin e traktit tretës, kështu që grumbullohet në të.
“Çelësi është të qëndroni të hidratuar, por shmangni pijet me gaz. Shumë prej tyre përmbajnë sheqerna ose ëmbëlsues artificialë, të cilët mund të shkaktojnë fryrje. “Pini më shumë ujë dhe çajra bimor dhe është mirë të përfshini supa dhe pije të shëndetshme në dietën tuaj”, thotë Mej.
Ju hani shumë ushqime me bazë bimore
Ushqimi me bazë bimore është bërë hit për një arsye. Ka shumë përfitime, por mund të shkaktojë fryrje te disa njerëz.
“Edhe pse përfitimet e të ngrënit më pak mish dhe më shumë perime janë dokumentuar, rritja e marrjes së bimëve rrit ndjeshëm sasinë e fibrave që hani. Rezultati i kësaj mund të jetë fryrja”, thekson Mej.
Për të luftuar fryrjen, May sugjeron të rritni gradualisht marrjen e fibrave gjatë disa javësh.
Jeni të stresuar
Kur jeni të stresuar, tretja ngadalësohet.
“Është përgjigja e trupit ndaj stresit. Tretja ngadalësohet, ushqimi nuk kalon përmes zorrëve me aq efikasitet sa duhet, kështu që grumbullohet, prodhon gazra dhe baktere të dëmshme që shkaktojnë fryrje”, shpjegoi dietologia.
Zgjidhja është praktikimi i teknikave të relaksimit, lëvizja, aktiviteti fizik në masë të mjaftueshme, por edhe gjumi mjaftueshëm.
Intoleranca ndaj disa ushqimeve
Alergjitë ushqimore mund të përcaktohen me disa teste, por nëse jeni të fryrë ka më shumë gjasa që të jetë intolerancë.
Reaksionet e intolerancës si gazrat, fryrja dhe dispepsi ndodhin nëse ushqimi nuk tretet siç duhet.
“Kjo ndodh për shkak të mungesës së një enzime të caktuar të nevojshme për të zbërthyer ushqimin. Për shembull, intoleranca ndaj qumështit dhe ushqimeve të qumështit mund të jetë rezultat i mungesës së enzimës laktazë, e cila është e nevojshme për zbërthimin dhe tretjen e sheqerit të qumështit, laktozës”, shpjegon Mej.
Në këtë rast, konsultohuni me mjekun tuaj se çfarë hapash duhet të ndërmerrni./FolDrejt/
