Kush punon deri në ora 18 dhe sheh orën në 14.46, mendon ngapak për pushimin e natës. Edhepse ka më shumë se tre orë për të përfunduar. Kush përfundon punën në 16 kalon minutat e para me ndonjë kafe me kolegët dhe fillon të lexojë ndonjë media online – kjo pasi orari i punës ishte më i shkurtër dhe kishte më pak përgjegjësi.
Studimet kanë treguar çdoherë, se vërtet punëtorët punojnë tetë orë në ditë, por të përqëndruar mund të jenë vetëm pak orë.
Përpara ekzaktësisht 100 vitesh sindikatat e punëtorëve dhe shefat e kompanive përherë të parë u pajtuan për tetë orë punë në ditë, tetë orë fjetje dhe tetë orë qëndrim në familje. Atëkohë ky rregull vlente si revolucion. Megjithatë sot ky rregull nuk është simpatik dhe në shumë vende të botës kërkohet më pak orë pune në ditë. Si shembull Franca dhe Suedia.
Kjo lidhet edhe me shkakun se përpara shumë pak gra punonin dhe ishte bota e padixhitalizuar, kurse sot është e kundërta. Kjo do kompezonte shkurtimin e orës së punës. Mos harrojmë që një punëtor do ishte po aq produktiv me gjashtë orë punë sa me tetë orë, shkruan “Der Spiegel”, përcjell foldrejt.com.
Ky studim vërtetohet edhe nga një analizë e Toyota. Në një punëtori në Göteborg kompania japoneze vendosi që punëtorët e saj të aktivizoheshin vetëm gjashtë orë në ditë. Rezultati ishte mahnitës: prodhimi u rrit. Dhe atë jo çfarë do lloj rritje, por me 40 përqind.
Profesori i Universitetit Berkeley, Morten Hansen, i cili ka analizuar punën e 5000 menaxherëve thotë: “Punëtorët intelegjentë punojnë më pak, por ata përqëndrohen dhe selektojnë.” Punëtorët që aktivizohen gjashtë orë në ditë shpesh janë më të motivuar dhe të kënaqur. Ata edhe më pak sëmurën, siç vërteton një test në një Shtëpi Pleqsh në Göteborg.
Edhe studimi i mbrojtjes së punëtorëve dhe punëtorëve medicinalë në Gjermani (BAuA) ka konstatuar: shumë orë punë në ditë rrezikojnë shëndetin. “Fizikisht dhe psikologjikisht një njeri mbetet i pasëmurë kur mbi të gjitha mbetet i kënaqur me jetën. Kush ka presionin, që duhet të rregullojë gjithçka në punë, do mbetet gjatë i pakënaqur, jo produktiv dhe së fundmi edhe i sëmurë.”
Gjithsesi kompanitë akoma e kanë vështirë të pranojnë këtë fakt edhe pse nga zori e kanë ndryshuar kushtin. Kështu ndodhi me një firmë austriake e cila nuk gjeti punëtorë, derisa shkurtoi orarin e punës nga tetë në gjashtë orë. Kjo dha rezultat.
Atëherë sindikata të nderuara, pse po prisni akoma?
Vërejtje: Të gjitha studimet janë të verifikuara dhe janë botuar në artikullin e magazinës më të madhe gjermane “Der Spiegel”. Në shqip artikulli i mësipërm është përkthyer ekskluzivisht nga foldrejt.com.
