Sipas një anketimi të kryer me 5 mijë persona në Gjermani, shumica e popullit besojnë se ministrja gjermane e Mbrojtjes, Christine Lambrecht, duhet të shkarkohet nga detyra.
Në anketimin e kryer nga kompania hulumtuese e opinionit publik Civey për portalin e lajmeve t-online, 77 për qind e pjesëmarrësve mbështesin shkarkimin nga detyra të ministres Lambrecht, shkruan AA, transmeton Fol Drejt.
Ndërkaq, 13 për qind e pjesëmarrësve mendojnë se ministrja duhet të qëndrojë në detyrë.
Po ashtu, 10 për qind e pjesëmarrësve në anketë janë shprehur se janë të pavendosur lidhur me këtë çështje.
Christine Lambrecht, ministrja gjermane e Mbrojtjes nga Partia Social Demokrate kritikohet shpesh në median gjermane dhe median sociale për shkak se ka dërguar djalin e saj në pushime me helikopterin e ushtrisë dhe që ka dhënë mesazhin e saj për Vitin e Ri mes fishekzjarrëve nga media sociale./FolDrejt/
